ເຈົ້າໜ້າທີ່ກະຊວງການເງິນອາເມລິກາເປີດເຜີຍວ່າ: ລັດຖະບານອາເມລິກາພວມປະເມີນຄວາມອາດສາມາດການນຳໃຊ້ "ຍັດຕິກົດໝາຍອຳນາດສຸກເສີນ" ທີ່ແນໃສ່ຕໍ່ການລົງທຶນຈາກຈີນ ເພື່ອໃຊ້ມາດຕະການໃໝ່ໃນການຈຳກັດຈີນລົງທຶນຢູ່ອາເມລິກາ ເພື່ອສະກັດກັ້ນບໍ່ໃຫ້ຈີນຈັດຊື້ເຕັກນິກອ່ອນໄຫວ.
ຕໍ່ເລື່ອງນີ້, ທ່ານກ່າວເຟິ່ງ ໂຄສົກກະຊວງການຄ້າຈີນ ໄດ້ເນັ້ນໃນກອງປະຊຸມຖະແຫຼງຂ່າວໃນວັນທີ 26 ເມສານີ້ວ່າ: ຈີນເດັດດ່ຽວຄັດຄ້ານການກະທຳໃນຮູບແບບໃດໆ ທີ່ເປັນລັດທິແຕ່ຝ່າຍດຽວ ແລະລັດທິປົກປ້ອງການຄ້າ ຈີນໄດ້ກຽມຄວາມພ້ອມຕາມແນວຄິດຂີດເສັ້ນຕ່ຳສຸດເພື່ອຕອບໂຕ້ເຫດການຕ່າງໆທີ່ອາດຈະເກີດຂຶ້ນ.
ທ່ານກ່າວເຟິ່ງ ກ່າວຕື່ມວ່າ: ວິສາຫະກິດຈີນລົງທຶນຢູ່ອາເມລິກາ ໄດ້ປະກອບສ່ວນທີ່ສຳຄັນເພື່ອສ້າງຕຳແໜ່ງວຽກເຮັດງານທຳເພີ່ມຕື່ມຢູ່ອາເມລິກາ ແລະຊຸຍຍູ້ເສດຖະກິດອາເມລິກາໃຫ້ພັດທະນາ ຫວັງວ່າອາເມລິກາກະທຳແຕ່ສິ່ງທີ່ສອດຄ່ອງກັບກົດເກນການພັດທະນາເສດຖະກິດ, ໄປຕາມກະແສການພັດທະນາເສດຖະກິດຂອງໂລກ ແລະມີຜົນດີຕໍ່ການພັດທະນາເສດຖະກິດຂອງຕົນ ກໍຄືຂອງໂລກຢ່າງໝັ້ນທ່ຽງແລະຖາວອນແທ້ຈິງ.