ຕົບມືໃຫ້ແກ່ຜູ້ນຳ ສປປ ເກົາຫຼີ ແລະ ສ.ເກົາຫຼີທີ່ໄດ້ຢວ່າງບາດກ້າວຄັ້ງປະຫວັດສາດທ່ານ
ກິມເຈິງອຸນ ຜູ້ນຳສູງສຸດ ສປປ ເກົາຫຼີ ແລະ ທ່ານມູນເຈອິນ ປະທານາທິບໍດີ ສ.ເກົາຫຼີ ໄດ້ພົບປະກັນຢູ່ປານມູນຈອມໃນວັນທີ 27 ເມສານີ້. ຈາກນີ້, ທ່ານນາງຮວ້າຊຸ່ນຢິງ ໂຄສົກກະຊວງການຕ່າງປະເທດໄດ້ສະແດງຄວາມຊົມເຊີຍໃນກອງປະຊຸມຖະແຫຼງຂ່າວທີ່ຈັດຂຶ້ນໃນມື້ດຽວກັນ ໂດຍກ່າວວ່າ: ຈີນຂໍຕົບມືສະແດງຄວາມຊົມເຊີຍຕໍ່ຜູ້ນຳ ສປປ ເກົາຫຼີ ແລະ ສ.ເກົາຫຼີ ທີ່ໄດ້ຢວ່າງບາດກ້າວຄັ້ງປະຫວັດສາດເທື່ອນີ້.
ທ່ານນາງຮວ້າຊຸ່ນຢິງ ກ່າວວ່າ: ພວກຂ້າພະເຈົ້າໄດ້ເຫັນຈາກໂທລະພາບແລ້ວວ່າ ຕອນເຊົ້າມື້ນີ້, ຜູ້ນຳ ສປປ ເກົາຫຼີ ແລະ ສ.ເກົາຫຼີ ໄດ້ຂ້າມຜ່ານເສັ້ນຂີດແບ່ງຊາຍແດນການທະຫານປານມູນຈອມແລະຈັບມືກັນ ເຊິ່ງເປັນເຫດການຄັ້ງປະຫວັດສາດ. ພວກຂ້າພະເຈົ້າຂໍຕົບມືໃຫ້ແກ່ຜູ້ນຳ ສປປ ເກົາຫຼີ ແລະ ສ.ເກົາຫຼີ ທີ່ໄດ້ຢວ່າງບາດກ້າວຄັ້ງປະຫວັດສາດເທື່ອນີ້ ແລະ ສະແດງຄວາມຊົມເຊີຍຕໍ່ພວກທ່ານທີ່ສະແດງໃຫ້ເຫັນເຖິງຄວາມຕັດສິນໃຈ ແລະຄວາມກ້າຫານ ທາງການເມືອງ ພ້ອມທັງອວຍພອນຢ່າງຈິງໃຈວ່າ ການພົບປະສອງຝ່າຍເທື່ອນີ້ຈະໄດ້ຮັບຜົນທີ່ດີ. ຈີນຫວັງໃຫ້ຖືການພົບປະຢູ່ປານມູນຈອມເທື່ອນີ້ເປັນໂອກາດ ເພື່ອເປີດຂະບວນການໃໝ່ແຫ່ງການປົກຄອງແຫຼມເກົາຫຼີໃຫ້ສຸກຊຸ່ມກຸ່ມເຢັນຍາວນານ.
