ແຫຼ່ງຂ່າວຈາກບໍລິສັດຢູນຽນເພຈີນ (China Unionpay) ໃຫ້ຮູ້ໃນວັນທີ 27 ເມສານີ້ວ່າ ຢູນຽນເພສາກົນ ໄດ້ຖະແຫຼງວ່າ: ປັດຈຸບັນ, ຜູ້ນຳໃຊ້ APP ຊຳລະເງິນວ່ອງໄວ ຫຼື China Unionpay Quick Pass ສາມາດໃຊ້ບໍລິການຊຳລະເງິນແບບເຄື່ອນທີ່ຂອງບໍລິສັດຢູນຽນເພຢ່າງປອດໄພ ແລະ ສະດວກສະບາຍຢູ່ 25 ປະເທດແລະເຂດແຄວ້ນ ລວມທັງເປີດເອັບສະແກນບາໂຄ໋ດແລ້ວຊຳລະເງິນ ຫຼື ເປີດນຳໃຊ້ການບໍລິການຊຳລະເງິນວ່ອງໄວຜ່ານໂທລະສັບມືຖືແລ້ວກໍຊຳລະເງິນໄດ້ເຊັ່ນດຽວກັນ.
ປັດຈຸບັນ, ເຄືອຂ່າຍຮັບນຳໃຊ້ບັດຢູນຽນເພໄດ້ກວມເຖິງ 168 ປະເທດແລະເຂດແຄວ້ນ ມີ 23 ລ້ານລູກຄ້າ ແລະຕູ້ ATM 1 ລ້ານ 6 ແສນ 4 ໝື່ນຕູ້. ບົນພື້ນຖານດັ່ງກ່າວ ແລະເພື່ອໃຫ້ສອດຄ່ອງກັບຄວາມຊິນເຄີຍດ້ານການຊຳລະເງິນຂອງນັກທ່ອງທ່ຽວຈີນທີ່ມີການປ່ຽນແປງແລ້ວນັ້ນ, ຢູນຽນເພສາກົນກໍເລັ່ງສ້າງເງື່ອນໄຂການໃຊ້ບໍລິການຢູ່ຕ່າງປະເທດເພື່ອຕອບສະໜອງກັບຜະລິດຕະພັນການຊຳລະເງິນແບບເຄື່ອນທີ່ຕ່າງໆ ເຊັ່ນ ການຊຳລະເງິນຢ່າງວ່ອງໄວໂດຍຜ່ານມືຖື, ສະແກນບາໂຄ໋ດເພື່ອຊຳລະເງິນ ແລະອື່ນໆ.