ວັນທີ 28 ເມສານີ້, ທ່ານໂດນັນ ທຣຳ ປະທານາທິບໍດີອາເມລິກາຕ່າງໄດ້ລົມໂທລະສັບກັບທ່ານມູນເຈອິນ ປະທານາທິບໍດີ ສ ເກົາຫຼີແລະ ທ່ານຊິນໂຈະ ອາເບະ ນາຍົກລັດຖະມົນຕີຍີ່ປຸ່ນ, ເພື່ອຫາລືກ່ຽວກັບສະຖານະການແຫຼມເກົາຫຼີ.
ມື້ດຽວກັນ, ທຳນຽບຂາວອາເມລິກາອອກຖະແຫຼງການໂດຍກ່າວວ່າ, ທ່ານທຣຳກັບທ່ານມູນເຈອິນ ໄດ້ຫາລືກ່ຽວກັບການເຈລະຈາລະຫວ່າງທ່ານ ມູນເຈອິນ ກັບທ່ານ ກິມເຈິງອຸນ ປະທານຄະນະກຳມະການແຫ່ງລັດ ສປປ ເກົາຫຼີ. ໃນເວລາລົມໂທລະສັບ, ທ່ານທຣຳ ແລະ ທ່ານມູນເຈອິນກ່າວວ່າ, ສັນຕິພາບແລະຄວາມຈະເລີນຮຸ່ງເຮືອງໃນອະນາຄົດຂອງ ສປປ ເກົາຫຼີ ຂຶ້ນກັບ ສປປ ເກົາຫຼີ ຈະ ປະລະນິວເຄຼຍຢ່າງເຖິງຖອງ ທີ່ຮັບການກວດສອບໄດ້ ແລະຈົນເທົ່າໃດໆຫຼືບໍ່.
ມື້ດຽວກັນ, ທຳນຽບຂາວໄດ້ອອກຖະແຫຼງການອີກສະບັບໜຶ່ງ, ໂດຍກ່າວວ່າຜູ້ນຳອາເມລິກາແລະຍີ່ປຸ່ນເຫັນວ່າ ສປປ ເກົາຫຼີ ຕ້ອງປະລະໂຄງການອາວຸດລ້າງຜານຂະໜາດໃຫຍ່ແລະລູກສອນໄຟນຳວິຖີທັງໝົດ.
ກ່ອນອອກຖະແຫຼງການດັ່ງກ່າວ, ທ່ານທຣຳ ໄດ້ລົງໂພສບົດຄວາມໃນສື່ສັງຄົມອອນໄລວ່າ, ສະຖານະການໃນປັດຈຸບັນຂະຫຍາຍຕົວດີຫຼາຍ, ເວລາແລະສະຖານທີ່ຈະຈັດການພົບປະລະຫວ່າງທ່ານເອງແລະທ່ານ ກິມເຈິງອຸນ ກຳລັງປຶກສາຫາລືຢູ່. ກ່ອນນີ້, ທ່ານທຣຳເຄີຍກ່າວວ່າ, ຈະພົບປະກັບທ່ານ ກິມເຈິງອຸນ ໃນເດືອນພຶດສະພາຫຼືຕົ້ນເດືອນມິດຖຸນາ.
