ອາເມລິກາຈະຮ່ວມມືກັບອິສຣາແອນຢ່າງໃກ້ຊິດເພື່ອສະກັດກັ້ນອີຣານ
2018-04-30 17:02:19 cri
ວັນທີ 29 ເມສານີ້, ທ່ານໄມຄ໌ ໂປມເປວ, ລັດຖະມົນຕີການຕ່າງປະເທດຜູ້ໃໝ່ຂອງອາເມລິກາທີ່ໄປຢ້ຽມຢາມອິສຣາແອນກ່າວຢູ່ເຕລາວີວ່າ, ອາເມລິກາ "ຄອງຄອຍຮ່ວມມືຢ່າງໃກ້ຊິດກັບພັນທະມິດເຂັ້ມແຂງ ອິສຣາແອນ"ໃນຫຼາຍດ້ານ ເພື່ອກະກັດກັ້ນອີຣານ.
ມື້ດຽວກັນ, ໃນເວລາພົບປະເຈລະຈາກັບທ່ານເບັນຈາມິນ ເນຕານິຢາຫູ, ນາຍົກລັດຖະມົນຕີອິສຣາແອນ, ທ່ານໂປມເປວກ່າວວ່າ, "ອາເມລິກາມີຍຸດທະສາດສັງລວມເພື່ອຮັບມືກັບບັນຫາຕ່າງໆທີ່ເກີດຂຶ້ນເນື່ອງຈາກອີຣານ". ນອກຈາກບັນຫານິວເຄຼຍແລ້ວ, ອາເມລິກາຍັງຈະພະຍາຍາມຮັບມືກັບການຂົ່ມຂູ່ທີ່ບໍ່ແມ່ນດ້ານນິວເຄຼຍຈາກອີຣານ, ເຊິ່ງລວມທັງລະບົບລູກສອນໄຟຂອງອີຣານ, ສະໜັບສະໜູນພັກເຮັສບຸນລາຂອງລີບັງ, ກຸ່ມປະກອບອາວຸດຫູຊີ ເຣເບຣຂອງເຢແມນ ແລະແຊກແຊງສະຖານະການຊີຣີເປັນຕົ້ນ.
