ຟີມສາລະຄະດີເລື່ອງ "ທ່ານມາກທີ່ອະມະຕະ" ຈະສາຍອອກອາກາດທາງໂທລະພາບ
2018-05-02 16:52:54 cri
ເພື່ອລະນຶກວັນຄ້າຍວັນເກີດຂອງທ່ານ ຄານ ມາກ ຄົບຮອບ 200 ປີ, ຄະນະໂຄສະນາສູນກາງພັກກອມມູນິດຈີນ ໄດ້ຊີ້ນຳສະຖາບັນຄົ້ນຄວ້າປະຫວັດສາດແລະເອກະສານພັກສູນກາງ ແລະສະຖານີວິທະຍຸໂທລະພາບສູນກາງ ຮ່ວມກັນຖ່າຍທຳຟີມສາລະຄະດີເລື່ອງ "ທ່ານມາກທີ່ອະມະຕະ" ທັງໝົດ 2 ຕອນ, ໂດຍຈະອອກອາກາດຜ່ານຊ່ອງ 1 ຂອງ CCTV ໃນເວລາ 20:00 ໂມງວັນທີ 3 ແລະວັນທີ 4 ພຶດສະພານີ້, ຂະນະດຽວກັນ, ເວັບໄຊປະຊາຊົນ, ເວັບໄຊຊິນຮວາແລະເວັບໄຊ CCTV ຈະເຜີຍແຜ່ສົດອອນລາຍໄປ້ອມໆກັນ.
ຕະຫຼອດຊີວິດຂອງທ່ານມາກ ແມ່ນກາບກອນປະຫວັດທີ່ສະຫງ່າຜ່າເຜີຍແລະເຕັມໄປດ້ວຍຄວາມອັດສະຈັນ. ຟີມສາລະຄະດີດັ່ງກ່າວ ໄດ້ບັນທຶກເລື່ອງລາວສູ້ຊົນຕະຫຼອດຊີວິດຂອງທ່ານມາກແລະເພື່ອນຮ່ວມເສັ້ນທາງສູ້ຮົບຂອງທ່ານໃນການຄົ້ນຄວ້າທິດສະດີແລະປະຕິບັດຕົວຈິງການປະຕິວັດດ້ວຍນ້ຳໃຈບາກບັ່ນສູ້ຊົນເພື່ອພາລະກິດປົດປ່ອຍຂອງມວນມະນຸດ ແລະ ສ່ອງແສງໃຫ້ເຫັນເຖິງຜົນສະທ້ອນອັນເລິກເຊິ່ງຍາວນານຂອງລັດທິມາກຕໍ່ຄວາມກ້າວໜ້າທາງສັງຄົມມະນຸດ ໂດຍສະເພາະຕໍ່ຂະບວນການສັງຄົມນິຍົມໂລກ.
