ດາວທຽມ FY-4A ຂອງຈີນເປີດບໍລິການຢ່າງເປັນທາງການ
2018-05-03 16:14:04 cri
ດາວທຽມ FY-4A ຂອງຈີນໄດ້ເປີດບໍລິການຢ່າງເປັນທາງການໃນວັນທີ 1 ພຶດສະພາຜ່ານມາ ໂດຍເລີ່ມສະໜອງຂໍ້ມູນແລະການບໍລິການໃຫ້ລູກຄ້າຈີນແລະຕ່າງປະເທດ.
ເດືອນທັນວາປີ 2016, ຈີນໄດ້ຍິງສົ່ງດາວທຽມອຸຕຸນິຍົມແບບສະຖິດກັບທີ່ FY-4A ຂຶ້ນສູ່ກາງຫາວຢ່າງສຳເລັດຜົນ ໂດຍໄດ້ບັນລຸການຍົກລະດັບທຸລະການຂອງດາວທຽມອຸຕຸນິຍົມແບບສະຖິດກັບທີ່. ມາຮອດປັດຈຸບັນ, ຈີນໄດ້ຍິງສົ່ງດາວທຽມອຸຕຸນິຍົມ FY ໄດ້ 16 ດວງແລ້ວ ແລະປັດຈຸບັນມີ 9 ດວງພວມໝູນເດີນຕາມວົງໂຄຈອນ. ຂ່າວແຈ້ງວ່າ ດາວທຽມອຸຕຸນິຍົມ FY ໄດ້ຖືກອົງການອຸຕຸນິຍົມໂລກຈັດເຂົ້າໃນບັນຊີດາວທຽມອຸຕຸນິຍົມແບບປະຍຸກທຸລະການທົ່ວໂລກ ແລະກາຍເປັນສະມາຊິກສຳຄັນຂອງລະບົບວັດແທກໜ່ວຍໂລກແບບສັງລວມ, ຂະນະດຽວກັນ, ກໍແມ່ນດາວທຽມເວນຍາມຂອງກົນໄກກົດບັດໄພພິບັດສາກົນ ເຊິ່ງພວມສະໜອງຂໍ້ມູນແລະການບໍລິການໃຫ້ແກ່ລູກຄ້າ 2500 ແຫ່ງຂອງຈີນແລະ 70 ກວ່າປະເທດແລະເຂດແຄວ້ນໃນໂລກ.
