ທ່ານບຸເຟັດກ່າວວ່າການພັດທະນາຂອງຈີນເປັນສິ່ງມະຫັດສະຈັນ
2018-05-05 14:37:23 cri
ວັນທີ 4 ພຶດສະພານີ້, ໃນກອງປະຊຸມເວທີປຶກສາຫາລືນັກລົງທຶນຈີນອາເມລິກາທີ່ຈັດຂຶ້ນຢູ່ອາເມລິກາ, ທ່ານໂວເຣນ ບຸເຟັດ, ນັກລົງທຶນທີ່ມີຊື່ສຽງຂອງອາເມລິກາກ່າວວ່າ, ການພັດທະນາຂອງເສດຖະກິດຈີນໃນຫຼາຍສິບປີຜ່ານມາເປັນສິ່ງມະຫັດສະຈັນ, ບໍລິສັດຂອງຕົນຈະເປີດກວ້າງການລົງທຶນຢູ່ຈີນ.
ຂະນະທີ່ເວົ້າເຖິງເສດຖະກິດຈີນ, ທ່ານບຸເຟັດກ່າວວ່າ, ການພັດທະນາຂອງເສດຖະກິດຈີນຕົ້ນຕໍຂຶ້ນກັບການຂຸດຄົ້ນກຳລັງບົ່ມຊ້ອນດ້ານຫົວຄິດປະດິດສ້າງຂອງຊາວຈີນຢ່າງສຳເລັດຜົນ, ຖ້າປະເທດໃດໜຶ່ງຢາກພັດທະນາຄືຈີນນີ້ກໍຕ້ອງອອກແຮງຂຸດຄົ້ນຫົວຄິດປະດິດສ້າງຂອງປະຊາຊົນ. ທ່ານກ່າວວ່າ, ຊາວຈີນສະຫຼາດ ແລະດຸໝັ່ນ, ຈະມີອະນາຄົດອັນສົດໃສໃນດ້ານການພັດທະນາເສດຖະກິດ. ທ່ານກ່າວຕື່ມວ່າ, ບໍລິສັດຂອງຕົນຈະເພີ່ມທະວີການລົງທຶນຕໍ່ກຸ່ມເສດຖະກິດທີ່ມີຂະໜາດຫໃຫຍ່ ແລະມີກຳລັງບົ່ມຊ້ອນດ້ານການເຕີບໂຕທີ່ເຂັ້ມແຂງຄືປະເທດຈີນ.