ສະມາຊິກລັດຖະສະພາການາດາເຄື່ອນໄຫວລ່າລາຍເຊັນຮຽກຮ້ອງໃຫ້ລັດຖະບານກຳນົດວັນລະນຶກເຫດການສັງຫານໝູ່ນານກິ່ງ
2018-05-06 15:27:22 cri
ວັນທີ 4 ພຶດສະພານີ້ຢູ່ນະຄອນເວີນໂກວາປະເທດການາດາ, ທ່ານນາງເຈນີ ຄວນ, ສະມາຊິກລັດຖະສະພາການາດາເຊື້ອສາຍຈີນໄດ້ເຄື່ອນໄຫວລ່າລາຍເຊັນເພື່ອຮຽກຮ້ອງໃຫ້ລັດຖະບານການາດາກຳນົດເອົາວັນທີ 13 ທັນວາເປັນວັນລະນຶກເຫດການສັງຫານໝູ່ນານກິ່ງ.
ທ່ານນາງເຈນີ ຄວນ ກ່າວວ່າ, ການຮຽກຮ້ອງໃຫ້ກຳນົດວັນລະນຶກເຫດການສັງຫານໝູ່ນານກິ່ງແມ່ນພົວພັນເຖິງຫຼາຍພັກການເມືອງ, ເພື່ອລະນຶກຜູ້ປະສົບເຄາະຮ້າຍໃນເຫດການສັງຫານໝູ່ນານກິ່ງ, ແລະຮັບປະກັນບໍ່ໃຫ້ເກີດເຫດການຄວາມຮຸນແຮງຄ້າຍຄືກັນນີ້ອີກ, ພ້ອມທັງເຮັດໃຫ້ເຫດການສັງຫານໝູ່ນານກິ່ງບໍ່ຖືກຫຼົງລືມ.