ວິສາຫະກິດຕ່າງປະເທດຢູ່ຈີນຄວນເຄົາລົບອະທິປະໄຕ ແລະຜືນແຜ່ນດິນອັນຄົບຖ້ວນຂອງຈີນ
2018-05-07 17:23:40 cri
ວັນທີ 6 ພຶດສະພານີ້, ທ່ານເກີງສວງ ໂຄສົກກະຊວງການຕ່າງປະເທດຈີນກ່າວວ່າ: ວິສາຫະກິດຕ່າງປະເທດທີ່ດຳເນີນທຸລະກິດຢູ່ຈີນຄວນເຄົາລົບອະທິປະໄຕ ແລະຜືນແຜ່ນດິນອັນຄົບຖ້ວນຂອງຈີນ.
ນັກຂ່າວຖາມວ່າ: ອາເມລິກາໄດ້ອອກຖະແຫຼງການໂດຍຕຳໜິຕິຕຽນອົງການທີ່ກ່ຽວຂ້ອງຂອງຈີນທີ່ຮຽກຮ້ອງວິສາຫະກິດຕ່າງປະເທດບໍ່ສາມາດຂຽນເຂດບໍລິຫານພິເສດຮົງກົງ ແລະມາເກົາ ແລະເຂດໄຕ້ຫວັນເປັນ "ປະເທດ" ໃນເວັບໄຊ ຫຼື ສິ່ງພິມໂຄສະນາຂອງຕົນ, ຕໍ່ເລື່ອງນີ້ ຝ່າຍຈີນຈະມີຄຳເຫັນແນວໃດ?
ທ່ານເກີງສວງກ່າວວ່າ: ບໍ່ວ່າອາເມລິກາເວົ້າຫຍັງກໍຕາມ, ກໍບໍ່ສາມາດປ່ຽນຄວາມເປັນຈິງທາງພາວະວິໄສທີ່ມີປະເທດຈີນດຽວໃນໂລກ ແລະເຂດບໍລິຫານພິເສດຮົງກົງ ແລະມາເກົາພ້ອມດ້ວຍເຂດໄຕ້ຫວັນເປັນຜືນແຜ່ນດິນຂອງຈີນທີ່ບໍ່ສາມາດແຍກອອກຈາກຈີນໄດ້ຢ່າງເດັດຂາດ.
ທ່ານກ່າວຕື່ມວ່າ: ຈີນຈະສືບຕໍ່ປະຕິບັດນະໂຍບາຍການຕ່າງປະເທດຕາມຫຼັກການທີ່ປະເທດຈີນດຽວ. ວິສາຫະກິດຕ່າງປະເທດທີ່ດຳເນີນທຸລະກິດຢູ່ຈີນຄວນເຄົາລົບອະທິປະໄຕ ແລະຜືນແຜ່ນດິນອັນຄົບຖ້ວນຂອງຈີນ, ປະຕິບັດຕາມກົດໝາຍຂອງຈີນ ແລະເຄົາລົບນັບຖືຄວາມຮູ້ສຶກຂອງປະຊາຊົນຈີນຕໍ່ປະເທດຊາດ.
