ຕວກກີຈະໃຊ້ມາດຕະການຕອບໂຕ້ຖ້າອາເມລິກາຢຸດຂາຍອາວຸດຕໍ່ຕວກກີ
2018-05-07 17:30:17 cri
ວັນທີ 6 ພຶດສະພານີ້, ທ່ານເມັບລຸດ ກະວຸໂສກລູ ລັດຖະມົນຕີກະຊວງການຕ່າງປະເທດຕວກກີກ່າວວ່າ: ຖ້າອາເມລິກາຢຸດຂາຍອາວຸດໃຫ້ປະເທດຕົນ, ປະເທດຕົນກໍຈະປະຕິບັດມາດຕະການຕອບໂຕ້ຄືນເຊັ່ນກັນ.
ວັນທີ 4 ພຶດສະພານີ້, ສະພາຕ່ຳອາເມລິກາໄດ້ເປີດເຜີຍເນື້ອໃນຂອງຍັດຕິກົດໝາຍມອບສິດປ້ອງກັນປະເທດປະຈຳປີ 2019. ຕາມຍັດຕິກົດໝາຍດັ່ງກ່າວແລ້ວ, ກະຊວງປ້ອງກັນປະເທດອາເມລິກາຕ້ອງມອບບົດລາຍງານກ່ຽວກັບສາຍພົວພັນອາເມລິກາ-ຕວກກີໃຫ້ລັດຖະສະພາອາເມລິກາ ແລະກ່ອນຈະເຣັດບົດລາຍງານສຳເລັດ ອາເມລິກາກໍຈະຢຸດຂາຍອາວຸດໃຫ້ຕວກກີເປັນການຊົ່ວຄາວ.
ທ່ານກະວຸໂສກລູໄດ້ໃຫ້ສຳພາດຕໍ່ໂທລະພາບທ້ອງຖິ່ນວ່າ: ປະເທດຕົນບໍ່ຍອມຮັບການຢຸດຂາຍເຮືອບິນສູ້ຮົບ F-35 ຂອງອາເມລິກາໃຫ້ປະເທດຕົນ. ຖ້າອາເມລິກາໃຊ້ມາດຕະການຂວ້ຳບາດຕວກກີ ເຊັ່ນ ຫ້າມຂາຍອາວຸດໃຫ້ຕວກກີ ຫຼື ຢຸດຕິການອອກວີຊາ, ປະເທດຕົນກໍຈະປະຕິບັດມາດຕະການຕອບໂຕ້ຄືນຢ່າງແນ່ນອນ.
