ການຮ່ວມມືດ້ານເສດຖະກິດການຄ້າຈີນ-ອິນໂດເນເຊຍມີໂອກາກາດການຄ້າໃໝ່ຢ່າງຫຼວງຫຼາຍ
CRIລາຍງານວ່າ: ວັນທີ 6 ພຶດສະພານີ້, ທ່ານຫຼີເຄີ້ສຽງໄດ້ເດີນທາງເຖິງນະຄອນຫຼວງຈາກາຕາເພື່ອຢ້ຽມຢາມອິນໂດເນເຊຍຢ່ງເປັນທາງການ. ໃນໄລຍະຢ້ຽມຢາມ, ສອງຝ່າຍຈະເຊັນສັນຍາຮ່ວມມືຫຼາຍສະບັບໃນຫຼາຍຂົງເຂດເປັນຕົ້ນ ການເຊື່ອມຕໍ່ຍຸດທະສາດ,ການຄ້າເອເລັກໂຕຣນິກ,ການຮ່ວມມືດ້ານກະສິກຳແລະອື່ນໆ. ທ່ານສີວ໌ນິງນິງ ປະທານຄະນະບໍລິຫານງານສະພາມົນຕີການຄ້າຈີນ-ອາຊຽນໃຫ້ສຳພາດຕໍ່ນັກຂ່າວ CRI ໃນວັນທີ 7 ພຶດສະພານີ້ວ່າ: ການຢ້ຽມຢາມເທື່ອນີ້ຈະເປັນການຮັດແໜ້ນແລະເສີມຂະຫຍາຍສາຍພົວພັນມິດຕະພາບລະຫວ່າງສອງປະເທດຕື່ມອີກ ແລະຈະນຳເອົາໂອກາດການຄ້າໃໝ່ຈຳນວນຫຼວງຫຼາຍໃຫ້ການຮ່ວມມືດ້ານເສດຖະກິດການຄ້າລະຫວ່າງສອງຝ່າຍ.
ທ່ານສີວ໌ນິງນິງກ່າວວ່າ: ໂຄງການຮ່ວມມືທີ່ສຳຄັນຕ່າງໆເປັນຕົ້ນ ທາງລົດໄຟຄວາມໄວສູງຈາກາຕາ-ບັນດຸງກຳລັງໄດ້ຮັບການປະຕິບັດເປັນຢ່າງດີ, ກຳລັງຂັບເຄື່ອນການຮ່ວມມືລະຫວ່າງສອງປະເທດໃນຂົງເຂດພື້ນຖານໂຄງລ່າງ,ກຳລັງການຜະລິດ,ເສດຖະກິດດີຈີຕອນແລະອື່ນໆໄດ້ເກີດຂຶ້ນຢ່າງຕໍ່ເນື່ອງ. ທ່ານສີວ໌ນິງນິງເຫັນວ່າ: ຂະແໜງການຕ່າງໆຂອງຈີນແລະອິນໂດເນເຊຍມີຄວາມຊ່ວຍຊູຍູ້ໜູນກັນຫຼາຍ, ຍຸດທະສາດ "ຈີນຜະລິດ 2025" ກັບແຜນທີ່ເສັ້ນທາງອຸດສາຫະກຳ 4.0 ຂອງອິນໂດເນເຊຍຄວນເຊື່ອມຕໍ່ກັນຢ່າງຕັ້ງໜ້າ ເຊິ່ງເປັນຜົນດີຕໍ່ການຍົກລະດັບອຸດສາຫະກຳຂອງອິນໂດເນເຊຍ.
ທ່ານສີວ໌ນິງນິງກ່າວຕື່ມວ່າ: ອິນໂດເນເຊຍໄດ້ປະຕິບັດນະໂຍບາຍໃຫ້ສິດທິພິເສດຕໍ່ການລົງທຶນໃນຂົງເຂດຕ່າງໆເປັນຕົ້ນນ້ຳມັນເຊື້ອໄຟ,ອາຍແກັສທຳມະຊາດ,ຢາປົວພະຍາດ, ໂທລະຄົມ,ອຸປະກອນການແພດ,ທາງລົດໄຟແລະພື້ນຖານໂຄງລ່າງ, ເຊິ່ງເປັນຜົນດີຕໍ່ການດຶງດູດວິສາຫະກິດຈີນໄປລົງທຶນຢູ່ອິນໂດເນເຊຍ.
