ທ່ານປູຕິນສາບານຕົວດຳລົງຕຳແໜ່ງເປັນປະທານາທິບໍດີຣັດເຊຍອີກວາລະໜຶ່ງ
2018-05-08 17:26:20 cri
ວັນທີ 7 ພຶດສະພານີ້, ທ່ານປູຕິນໄດ້ສາບານຕົວດຳລົງຕຳແໜ່ງເປັນປະທານາທິບໍດີຣັດເຊຍອີກວາລະໜຶ່ງຢູ່ພາລາຊະວັງແກຼມແລງ ເຊິ່ງເປັນວາລະທີສີ່ຂອງທ່ານທີ່ດຳລົງຕຳແໜ່ງເປັນປະທານາທິບໍດີຣັດເຊຍ. ຕອນທ່ຽງມື້ດຽວກັນ, ທ່ານປູຕິນໄດ້ສາບານຕົວຕໍ່ລັດຖະທຳມະນູນຣັດເຊຍ. ແລະທ່ານວາເລີຣີ ໂຊກີນ ປະທານສານລັດຖະທຳມະນູນຣັດເຊຍໄດ້ມອບກາໝາຍທີ່ເປັນສັນຍາລັກແຫ່ງສິດອຳນາດຂອງປະທານາທິບໍດີຣັດເຊຍໃຫ້ທ່ານປູຕິນ ແລະປະກາດວ່າ ທ່ານປູຕິນກາຍເປັນປະທານາທິບໍດີຣັດເຊຍອີກວາລະໜຶ່ງຢ່າງເປັນທາງການ. ພາຍຫຼັງພິທີສິ້ນສຸດລົງ, ທ່ານປູຕິນໄດ້ຮັບ "ກະເປົານິວເຄຼຍ" ທີ່ເປັນສັນຍາລັກກຳລັງນິວເຄຼຍທາງຍຸດທະສາດຂອງຣັດເຊຍພາຍໃຕ້ການເປັນສັກຂີພະຍານຂອງທ່ານເສີເກ ຊອຍ ລັດຖະມົນຕີກະຊວງປ້ອງກັນປະເທດຣັດເຊຍ.
ຕາມລັດຖະທຳມະນູນຣັດເຊຍ, ປະທານາທິບໍດີແມ່ນປະມຸກລັດຂອງຊາດ ແລະກໍຄື ຜູ້ນຳສູງສຸດຂອງກຳລັງປະກອບອາວຸດອີກດ້ວຍ.
