ອາຊຽນຕັ້ງໜ້າເຂົ້າຮ່ວມງານວາງສະແດງການນຳເຂົ້າສາກົນຈີນຄັ້ງທຳອິດ
2018-05-09 16:47:40 cri
ແຫຼ່ງຂ່າວຈາກຝ່າຍຈັດງານວາງສະແດງການນຳເຂົ້າສາກົນຈີນໃຫ້ຮູ້ໃນວັນທີ 8 ພຶດສະພານີ້ວ່າ 10 ປະເທດອາຊຽນຈະເຂົ້າຮ່ວມງານວາງສະແດງນຳເຂົ້າສາກົນຈີນຄັ້ງທຳອິດ.
ປັດຈຸບັນນີ້, ມີ 15 ອົງການ ແລະບໍລິສັດຕ່າງໆຈາກ 10 ປະເທດອາຊຽນໄດ້ຕົກລົງເຂົ້າຮ່ວມ. ໃນນັ້ນ ມີອົງການລັດຖະບານ ຄື: ກະຊວງອຸດສາຫະກຳ ແລະການຄ້າຫວຽດນາມ, ກະຊວງອຸດສາຫະກຳ ແລະການຄ້າລາວ, ກະຊວງການຄ້າ ແລະອຸດສາຫະກຳຟິລິບປິນ, ກະຊວງການຄ້າກຳປູເຈຍ, ກະຊວງການຕ່າງປະເທດ ແລະການຄ້າບຣູໄນ ແລະອື່ນໆ, ນອກນີ້ຍັງມີວິສະພາອຸດສາຫະກຳການຄ້າສິງກະໂປ, ສະພາອຸດສາຫະກຳ ແລະການຄ້າອິນໂດເນເຊຍ, ສະພາອຸດສາຫະກຳ ແລະການຄ້າມຽນມາ ແລະອື່ນໆ.ໃນງານວາງສະແດງຄັ້ງນີ້ຈະມີຜະລິດຕະພັນເຄື່ອງອຸປະໂພກ ແລະບໍລິໂພກມາວາງສະແດງ ເຊັ່ນ: ອາຫານການກິນ, ຜະລິດຕະພັນກະສິກຳ, ສິນຄ້າໃຊ້ສອຍປະຈຳວັນ ແລະອື່ນໆ. ນອກຈາກນີ້, ວິສາຫະກິດມາເລເຊຍ ແລະກຳປູເຈຍຍັງຈະເຂົ້າຮ່ວມເຂດງານວາງສະແດງຫຸ່ນຍົນ ແລະການແພດອີກດ້ວຍ.
