ພັກຝ່າຍຄ້ານມາເລເຊຍໄດ້ຊະນະການເລືອກຕັ້ງເປັນຄັ້ງທຳອິດໃນຮອບ 60 ປີຜ່ານມາ
2018-05-10 11:13:49 cri
ວັນທີ 10 ພຶດສະພານີ້, ຄະນະກຳມະການເລືອກຕັ້ງມາເລເຊຍປະກາດຜົນການລົງຄະແນນສຽງວ່າ: ພັກຝ່າຍຄ້ານທີ່ນຳໂດຍທ່ານມາຮາເທຍ ບິນ ໂມຮຳມັດ ອະດີດນາຍົກລັດຖະມົນຕີມາເລເຊຍໄດ້ຊະນະການເລືອກຕັ້ງໃນວັນທີ 9 ພຶດສະພານີ້ ແລະໄດ້ຮັບສິດຈັດຕັ້ງຄະນະລັດຖະບານ ເຊິ່ງເປັນເທື່ອທຳອິດຂອງພັກຝ່າຍຄ້ານມາເລເຊຍຊະນະການເລືອກຕັ້ງໃນໄລຍະ 60 ປີຜ່ານມາ.
ຕາມຜົນການລົງຄະແນນສຽງ, ພັກຝ່າຍຄ້ານໄດ້ຮັບບ່ອນນັ່ງໃນສະພາຕ່ຳຫຼາຍກວ່າ 112 ບ່ອນ, ລື່ນເຄິ່ງໜຶ່ງຂອງຈຳນວນບ່ອນນັ່ງທັງໝົດ. ບ່ອນນັ່ງຂອງແນວໂຮມປະຊາຊົນພັກຮ່ວມລັດຖະບານໄດ້ຫຼຸດຈາກ 133 ບ່ອນໃນການເລືອກຕັ້ງຊຸດກ່ອນໜ້ານີ້ລົງເປັນ 79 ບ່ອນນັ່ງ.
