ສິງກະໂປຍິນດີເປັນສະຖານທີ່ຈັດການພົບປະລະຫວ່າງຜູ້ນຳສປປ.ເກົາຫຼີ ແລະອາເມລິກາ
2018-05-11 15:02:00 cri
ຕອນຄ່ຳວັນທີ 10 ພຶດສະພານີ້, ກະຊວງການຕ່າງປະເທດສິງກະໂປໄດ້ອອກຖະແຫຼງການວ່າ: ປະເທດຕົນຍິນດີເປັນສະຖານທີ່ຈັດການພົບປະເຈລະຈາລະຫວ່າງທ່ານກິມເຈິງອຸນ ຜູ້ນຳສູງສຸດສປປ.ເກົາຫຼີ ແລະທ່ານໂດນັນ ທຣຳ ປະທານາທິບໍດີອາເມລິກາໃນວັນທີ 12 ມິຖຸນານີ້.
ຖະແຫຼງການດັ່ງກ່າວໄດ້ລະບຸຕື່ມວ່າ: ຫວັງວ່າການພົບປະຄັ້ງນີ້ຈະສາມາດເສີມສ້າງອະນາຄົດສັນຕິພາບຂອງແຫຼມເກົາຫຼີ. ໃນມື້ດຽວກັນ, ທ່ານທຣຳກໍໄດ້ປະກາດຕໍ່ສື່ມວນຊົນວ່າ: ຈະພົບປະເຈລະຈາກັບທ່ານກິມເຈິງອຸນຢູ່ປະເທດສິງກະໂປໃນວັນທີ 12 ມິຖຸນານີ້ ແລະຫວັງວ່າການພົບປະຄັ້ງນີ້ສາມາດກາຍເປັນ "ການເວລາພິເສດ" ທີ່ຈະສົ່ງເສີມສັນຕິພາບຂອງໂລກ.
