ຊະນະເລີດໃນການແຂ່ງຂັນ ຂົວພາສາຈີນ ເຂດແຂ່ງຂັນຟິລິບປິນ ກ່າວວ່າ: ຍິນດີທຳຄວາມພະຍາຍາມເພື່ອເພີ່ມຄວາມເຂົ້າໃຈກັນລະຫວ່າງຈີນກັບຟີລິບປິນ
2018-05-12 17:19:34 cri
ວັນທີ 11 ພຶດສະພານີ້, ການແຂ່ງຂັນຮອບຊີງຊະນະເລີດຂອງການແຂ່ງຂັນພາສາຈີນ ຂົວພາສາຈີນ ຂອງນັກສຶກສາທົ່ວໂລກຄັ້ງທີ 17 ຢູ່ເຂດແຂ່ງຂັນຟິລິບປິນໄດ້ສິ້ນສຸດລົງຢູ່ມະຫາວິທະຍາໄລ ອັນເຈີລິສ ຢູນິເວິຊິຕີ ຝັງເດເຊນ(Angles University Foundation) ທີ່ນະຄອນອັນເຈີລິສ.
ນາງ ເພີເຊຍ ທີ ອາດິວ ທີ່ມາຈາກສະຖາບັນຂົງຈື້ຂອງ ມະຫາວິທະຍາໄລ ດັ່ງກ່າວ ຊີງໄດ້ແຊມປຽນ. ນາງຫວັງວ່າ ເມື່ອຮຽນຈົບແລ້ວ ຈະສາມາດເປັນຄູສອນພາສາຈີນ, ໃຫ້ປະຊາຊົນຟີລິບປິນເຂົ້າໃຈປະເທດຈີນແລະປະຊາຊົນຈີນຫຼາຍກວ່າເກົ່າໂດຍຜ່ານຄວາມພະຍາຍາມຂອງຕົນ. ພ້ອມກັນນັ້ນ, ນາງຍັງຫວັງວ່າ, ເມື່ອຮຽນຈົບຈາກມະຫາວິທະຍາໄລແລ້ວ ຈະມີໂອກາດໄປຮຽນຕໍ່ຢູ່ຈີນ.
ຂ່າວແຈ້ງວ່າ, ຕໍ່ໄປ, ນາງເພີເຊຍ ຈະຕາງໜ້າຟິລິບປິນໄປເຂົ້າຮ່ວມການແຂ່ງຂັນຮອບຊີງຊະນະເລີດຂອງການແຂ່ງຂັນ "ຂົວພາສາຈີນ" ທີ່ຈະຈັດຂຶ້ນຢູ່ນະຄອນຊາງຊ່າແຂວງຫູນານຂອງຈີນ. ນາງບອກນັກຂ່າວວ່າ, ຕົນຄອງຄອຍທີ່ສຸດທີ່ຈະໄປເຂົ້າຮ່ວມການແຂ່ງຂັນຢູ່ຈີນ, ຫວັງວ່າ, ຈະສາມາດຮູ້ຈັກກັບເພື່ອນມິດຈີນຜູ້ໃໝ່ ແລະແບ່ງປັນຄວາມຮູ້ກ່ຽວກັບວັດທະນະທຳຂອງຟີລິບປິນກັບເຂົາເຈົ້າ.
