ກອງປະຊຸມຄະນະກຳມະການຮ່ວມມືເສດຖະກິດການຄ້າຈີນ-ລາວຄັ້ງທີ 9 ຈັດຂຶ້ນຢູ່ວຽງຈັນ
2018-05-13 14:40:08 cri
ກອງປະຊຸມຄະນະກຳມະການຮ່ວມມືເສດຖະກິດການຄ້າຈີນ-ລາວຄັ້ງທີ 9 ໄດ້ຈັດຂຶ້ນຢູ່ນະຄອນຫຼວງວຽງຈັນແຫ່ງ ສປປ ລາວໃນວັນທີ 11 ພຶດສະພານີ້, ຜູ້ແທນສອງຝ່າຍທີ່ເຂົ້າຮ່ວມກອງປະຊຸມໄດ້ສະຫຼຸບຮອບດ້ານກ່ຽວກັບຜົນສຳເລັດຂອງການຮ່ວມມືໃນຂົງເຂດເສດຖະກິດການຄ້າລະຫວ່າງສອງປະເທດ ທັງໄດ້ກຳນົດຢ່າງຈະແຈ້ງກ່ຽວກັບການສືບຕໍ່ປະຕິບັດວຽກງານການຮ່ວມມືດ້ານເສດຖະກິດການຄ້າລະຫວ່າງສອງປະເທດໃນບາດກ້າວຕໍ່ໄປ.
ສອງຝ່າຍເຫັນດີນຳໃຊ້ມາດຕະການທີ່ຕັ້ງໜ້າເພື່ອເປີດກວ້າງການຄ້າລະຫວ່າງສອງຝ່າຍຕື່ມອີກ ແລະເພີ່ມທະວີການຮ່ວມມືໃນໂຄງການພື້ນຖານໂຄງລ່າງຂະໜາດໃຫຍ່ໃນຂອບຂໍ້ລິເລີ່ມ "ໜຶ່ງແລວໜຶ່ງເສັ້ນທາງ", ຕັ້ງໜ້າຊຸກຍູ້ການກໍ່ສ້າງແລວທາງເສດຖະກິດຈີນ-ລາວ, ສືບຕໍ່ປະສານສົມທົບກັນຢ່າງໃກ້ຊິດເພື່ອຮັບປະກັນໃຫ້ການກໍ່ສ້າງທາງລົດໄຟຈີນ-ລາວໄດ້ຮັບການປະຕິບັດເປັນຢ່າງດີ.
ສອງຝ່າຍຮູ້ສຶກປິຕິຊົມຊື່ນທີ່ໄດ້ເຫັນຈີນລົງທຶນຢູ່ລາວເພີ່ມຂຶ້ນຢ່າງຕໍ່ເນື່ອງ. ຈີນເປັນແຫຼ່ງທີ່ມາຂອງທຶນຕ່າງປະເທດໃຫຍ່ທີ່ສຸດຂອງລາວ ເຊິ່ງການລົງທຶນຂອງຈີນໄດ້ປະກອບສ່ວນເຂົ້າໃນການຊຸກຍູ້ເສດຖະກິດສັງຄົມລາວໃຫ້ມີການພັດທະນາແບບຍືນຍົງ. ຈີນຍິນດີສືບຕໍ່ຊ່ວຍເຫຼືອລາວຕາມຄວາມສາມາດຂອງຕົນແລະພິຈາລະນາປ່ອຍເງິນກູ້ໃຫ້ໂຄງການທີ່ໄດ້ມາດຕະຖານເພື່ອຊຸກຍູ້ການພັດທະນາຂອງເສດຖະກິດສັງຄົມລາວ. ຝ່າຍລາວສະແດງຄວາມຂອບໃຈຕໍ່ຝ່າຍຈີນທີ່ໄດ້ໃຫ້ການຊ່ວຍເຫຼືອແລະສະໜັບສະໜູນອັນປະເສີດແກ່ລາວໃນໄລຍະຍາວນານມານີ້.
ສອງຝ່າຍຍິນດີລົງເລິກຊຸກຍູ້ການຮ່ວມມືດ້ານເສດຖະກິດການຄ້າລະຫວ່າງສອງປະເທດພາຍໃນຂອບ "ໜຶ່ງແລວໜຶ່ງເສັ້ນທາງ" ແລະລົງເລິກສາຍພົວພັນຄູ່ຮ່ວມມືຍຸດທະສາດຮອບດ້ານຈີນ-ລາວ. ພາຍໃຕ້ການຊີ້ນຳຈາກຍຸດທະສາດຂອງຜູ້ນຳສອງປະເທດພາຍໃຕ້ການຊີ້ນຳຈາກດ້ານຍຸດທະສາດຂອງຜູ້ນຳສອງປະເທດ.
