ຈີນ-ກຳປູເຈຍຈະເພີ່ມທະວີການຮ່ວມມືດ້ານການປະຕິບັດກົດໝາຍ
2018-05-13 15:41:24 cri
ການພົບປະລະດັບກະຊວງກ່ຽວກັບການຮ່ວມມືດ້ານການປະຕິບັດກົດໝາຍລະຫວ່າງພາກສ່ວນປະຕິບັດກົດໝາຍຈີນ-ກຳປູເຈຍໄດ້ຈັດຂຶ້ນຢູ່ນະຄອນຫຼວງພະນົມເປັນຂອງກຳປູເຈຍໃນວັນທີ 12 ພຶດສະພານີ້, ສອງຝ່າຍເປັນເອກະພາບກັນເຫັນດີຊຸກຍູ້ສາຍພົວພັນຮ່ວມມືຍຸດທະສາດຮອບດ້ານຄວາມກ່ຽວກັບການປະຕິບັດກົດໝາຍເພື່ອຄວາມໝັ້ນຄົງຈີນ-ກຳປູເຈຍໃນຍຸກໃໝ່.
ສອງຝ່າຍເຫັນດີເພີ່ມທະວີການສ້າງກົນໄກຮ່ວມມືປາບປາມອາຊະຍາກຳພະນັນຂ້າມຊາດ, ຮ່ວມກັນປາບປາມອາຊະຍາກຳພະນັນທາງອິນເຕີເນັດຂ້າມຊາດ; ສ້າງກົນໄກຮ່ວມມືຮັກສາຄວາມໝັ້ນຄົງຂອງໂຄງການກໍ່ສ້າງສຳຄັນໃນຂອບ "ໜຶ່ງແລວໜຶ່ງເສັ້ນທາງ"; ຮ່ວມກັນປ້ອງກັນແລະໂຈມຕີການເຂົ້າອອກເມືອງຢ່າງຜິດກົດໝາຍແລະອາຊະຍາກຳຄ້າຂາຍມະນຸດຂ້າມຊາດ, ສ້າງກົນໄກປະຕິບັດງານໄລ່ລ້າອາຊະຍາກອນທີ່ໂຕນໜີໄປຕ່າງປະເທດ;ບູລະນະກົນໄກພົວພັນວຽກງານປາບປາມຢາເສບຕິດໃຫ້ໄດ້ຮັບການປະຕິບັດເປັນຢ່າງດີ, ສືບຕໍ່ຊຸກຍູ້ການເຄື່ອນໄຫວປາບປາມຢາເສບຕິດຮ່ວມເພື່ອຮັກສາຄວາມສະຫງົບທາງນ້ຳ; ເພີ່ມທະວີການຮ່ວມມືຮັກສາຄວາມໝັ້ນຄົງແຫ່ງຊາດແລະການຕ້ານການກໍ່ການຮ້າຍ; ຮ່ວມກັນຮັບມືແລະຕໍ່ຕ້ານການເຄື່ອນໄຫວຜິດກົດໝາຍທາງອິນເຕີເນັດ, ຮ່ວມກັນປະຕິບັດການເຄື່ອນໄຫວຕໍ່ຕ້ານອາຊະຍະກຳຫຼອກລວງທາງໂທລະຄົມ.
