ເລຂາທິການໃຫຍ່ອົງການສະຫະປະຊາຊາດຊົມເຊີຍຕໍ່ອີຣັກຈັດການເລືອກຕັ້ງສະພາແຫ່ງຊາດ
2018-05-14 16:48:00 cri
ວັນທີ 13 ພຶດສະພານີ້, ໂຄສົກທ່ານ ອານໂຕນີໂອ ກູເຕີເຣັສ໌ ເລຂາທິການໃຫຍ່ອົງການສະຫະປະຊາຊາດໄດ້ອອກຖະແຫຼງການ ໂດຍສະແດງຄວາມຊົມເຊີຍຕໍ່ອີຣັກທີ່ຈັດການເລືອກຕັ້ງສະພາແຫ່ງຊາດ.
ຖະແຫຼງການລະບຸວ່າ, ການເລືອກຕັ້ງດັ່ງກ່າວເປັນຂີດໝາຍສະແດງໃຫ້ເຫັນເຖິງຄວາມຄືບໜ້າອີກເທື່ອໜຶ່ງໃນຂະບວນການສ້າງປະຊາທິປະໄຕຂອງອີຣັກພາຍຫຼັງໄດ້ຊະນະການໂຈມຕີຈາກກຸ່ມຫົວຮຸນແຮງ IS ແລ້ວ.
ທ່ານ ກູເຕີເຣັສ ໄດ້ຮຽກຮ້ອງໃຫ້ບຸກຄົນການເມືອງກໍ່ຄືຜູ້ສະໜັບສະໜູນອີຣັກຮັກສາສັນຕິພາບແລະມີຄວາມໂປ່ງໃສໃນຂະບວນການນັບຄະແນນສຽງ. ທ່ານຍັງໄດ້ຮຽກຮ້ອງໃຫ້ບຸກຄົນການເມືອງຂອງອີຣັກແກ້ໄຂຄວາມຂັດແຍ້ງກັນດ້ານການເລືອກຕັ້ງໂດຍຜ່ານຊ່ອງທາງກົດໝາຍ,ພ້ອມທັງຈັດຕັ້ງລັດຖະບານໂດຍໄວເທົ່າທີ່ຈະໄວໄດ້. ຖະແຫຼງການລະບຸຕື່ມວ່າ, ອົງການສະຫະປະຊາຊາດຍິນດີສືບຕໍ່ໃຫ້ການຊ່ວຍເຫຼືອແກ່ປະຊາຊົນແລະລັດຖະບານອີຣັກ.
