ຜູ້ປະທ້ວງປາແລັດສະຕິນປະທະກັນກັບທະຫານອິດສະຣະແອນ
2018-05-15 16:40:19 cri
ວັນທີ 14 ພຶດສະພານີ້, ປະຊາຊົນປາແລັດສະຕິນໄດ້ເດີນຂະບວນໄປຕາມຖະໜົນ ເພື່ອປະທ້ວງການເປີດບໍລິການຂອງສະຖານທູດອາເມລິກາປະຈຳອິດສະຣະແອນຢູ່ນະຄອນຫຼວງເຢຣູຊາແລມ.
ວັນທີ 14 ພຶດສະພານີ້, ປະຊາຊົນຊາວປາແລັດສະຕິນຫຼາຍໝື່ນຄົນໄດ້ເດີນຂະບວນປະທ້ວງໄປຕາມຖະໜົນກາຊາຢູ່ຊາຍແດນລະຫວ່າງປາແລັດສະຕິນ ແລະອິດສະຣະແອນ ແລະໄດ້ເກີດການປະທະກັນກັບທະຫານອິດສະແລນ. ເຈົ້າໜ້າທີ່ກະຊວງສາທາລະນະສຸກປາແລັດສະຕິນປະຈຳເຂດກາຊາໄດ້ຈັດກອງປະຊຸມຖະແຫຼງຂ່າວໃນຕອນຄ່ຳມື້ດຽວກັນວ່າ: ການປະທະກັນດັ່ງກ່າວໄດ້ເຮັດໃຫ້ມີປະຊາຊົນປາແລັດສະຕິນເສຍຊີວິດຢ່າງໜ້ອຍ 55 ຄົນ ແລະໄດ້ຮັບບາດເຈັບປະມານ 2770 ຄົນ. ໃນຜູ້ເສຍຊີວິດນັ້ນ, ມີເດັກນ້ອຍ 7 ຄົນ ແລະຜູ້ໃຫ້ການຊ່ວຍເຫຼືອ 1 ຄົນ ແລະ 1200 ກວ່າຄົນໄດ້ຮັບບາດເຈັບຈາກການຍິງຂອງທະຫານອິດສະແລນ.
ທ່ານອັບບາສ ປະທານາທິບໍດີແລັດສະຕິນໄດ້ກ່າວຢູ່ເມືອງຣາມະລາໃນມື້ດຽວກັນວ່າ: ປະຊາຊົນປາແລັດສະຕິນຈະໄວ້ອາໄລຕໍ່ຜູ້ເສຍຊີວິດຢູ່ເມືອງກາຊາ ແລະຊັກທຸງຊາດເຄິ່ງເສົາເປັນເວລາ 3 ມື້ນັບແຕ່ວັນທີ 15 ພຶດສາພານີ້ເປັນຕົ້ນໄປ.
