WHO ເປີດເຜີຍລາຍຊື່ການບົ່ງມະຕິພະຍາດໂດຍພື້ນຖານສະບັບທຳອິດຂອງໂລກ
2018-05-16 16:05:53 cri
ວັນທີ 15 ພຶດສະພານີ້, ອົງການອະນາໄມໂລກຫຼື WHO ໄດ້ເປີດເຜີຍລາຍຊື່ພື້ນຖານທີ່ໃຊ້ໃນການຊີ້ນຳບົ່ງມະຕິພະຍາດໂດຍທົ່ວໄປແລະພະຍາດທີ່ຕ້ອງປິ່ນປົວເປັນບຸລິມະສິດຕ່າງໆສະບັບທຳອິດຂອງໂລກ ຫວັງວ່າຈະສາມາດຊ່ວຍຍົກລະດັບອັດຕາຄວາມຖືກຕ້ອງຂອງການບົ່ງມະຕິແລະປັບປຸງຜົນການປິ່ນປົວໃຫ້ດີຂຶ້ນ.
WHO ກ່າວວ່າ, ລາຍຊື່ສະບັບດັ່ງກ່າວບໍ່ພຽງແຕ່ໄດ້ສະໜອງເຄື່ອງມືທີ່ດີຊະນິດໜຶ່ງໃຫ້ແກ່ບັນດາປະເທດ ເພື່ອສາມາດດຳເນີນການກວດກາວັດແທກແລະການປິ່ນປົວໄດ້ດີກວ່າເກົ່າເທົ່ານັ້ນ ຂະນະດຽວກັນກໍ່ມີຜົນດີຕໍ່ການໃຊ້ຈ່າຍດ້ານສາທາລະນະສຸກເຂົ້າໃນການວັດແທກທີ່ມີຄວາມຕ້ອງການດ້ານທຶນຮອນແທ້ຈິງເຫຼົ່ານັ້ນຢ່າງມີປະສິດທິຜົນກວ່າເກົ່າ. ລາຍຊື່ສະບັບດັ່ງກ່າວຍັງໄດ້ສົ່ງສັນຍານທີ່ຈະແຈ້ງຕໍ່ທຸກປະເທດແລະບໍລິສັດຜະລິດຕະພັນທີ່ກ່ຽວຂ້ອງ ເພື່ອສະແດງໃຫ້ເຫັນວ່າການວັດແທກຂອງຕົນຕ້ອງໄດ້ມາດຖານທີ່ມີຄຸນນະພາບສູງ,ມີຄວາມປອດໄພແລະຄຸ້ມຄ່າ.
