 |
 |
 |
 |
|
|
|
|
ວັນທີ 16 ພຶດສະພານີ້ ຕາມເວລາທ້ອງຖິ່ນ, ທ່ານຫວາງຢີ້ ລັດຖະມົນຕີກະຊວງການຕ່າງປະເທດຈີນ ໄດ້ພົບປະກັບທ່ານຊ໋ອງ ອິຟ ເລີ ດຣີອອງ ລັດຖະມົນຕີກະຊວງການຕ່າງປະເທດຝຣັ່ງ ຢູ່ນະຄອນຫຼວງປາຣີ ປະເທດຝຣັ່ງ.
ທ່ານຫວາງຢີ້ ກ່າວວ່າ: ຈີນໃຫ້ຄວາມສຳຄັນຕໍ່ຖານະແລະບົດບາດໃນສາກົນຂອງຝຣັ່ງ, ໃຫ້ຄວາມສຳຄັນຕໍ່ສາຍພົວພັນລະຫວ່າງຈີນ-ຝຣັ່ງ. ສອງຝ່າຍຄວນລົງເລິກການຮ່ວມມືທີ່ແທ້ຈິງໃນຂົງເຂດພະລັງງານນິວເຄລຍ, ການບິນ-ການບິນອະວະກາດ, ການປະດິດສ້າງ, ຫຸ່ນຍົນສະມາດ(AI), ເສດຖະກິດດີຈີຕອນ, ສິ່ງແວດລ້ອມ ແລະອື່ນໆ ຢ່າງຮອບດ້ານ ຈີນຍິນດີຕ້ອນຮັບຝຣັ່ງເຂົ້າຮ່ວມການສ້າງ "ໜຶ່ງແລວໜຶ່ງເສັ້ນທາງ" ຢ່າງຕັ້ງໜ້າກວ່າເກົ່າ ແລະ ຍິນດີພະຍາຍາມຮ່ວມກັບຝຣັ່ງເພື່ອຊຸກຍູ້ໃຫ້ສາຍພົວພັນລະຫວ່າງຈີນ-ເອີຣົບພັດທະນາຢ່າງປອດໃສ ແລະໝັ້ນທ່ຽງ.
ທ່ານດຣີອອງ ກ່າວວ່າ: ຝຣັ່ງຍິນດີຮັກສາການຮ່ວມມືທີ່ແທ້ຈິງກັບຈີນໃນຂົງເຂດຕ່າງໆ ແລະ ຍິນດີເຂົ້າຮ່ວມການສ້າງ "ໜຶ່ງແລວໜຶ່ງເສັ້ນທາງ" ຢ່າງຕັ້ງໜ້າກວ່າເກົ່າ ເພື່ອບັນລຸການຮ່ວມມືແບບຕ່າງຝ່າຍຕ່າງມີຜົນປະໂຫຍດ. ນອກນີ້, ຝຣັ່ງຍິນດີເສີມຂະຫຍາຍບົດບາດທີ່ຕັ້ງໜ້າໃນການຊຸກຍູ້ໃຫ້ສາຍພົວພັນລະຫວ່າງເອີຣົບ-ຈີນພັດທະນາຕື່ມອີກ.
ສອງຝ່າຍຍັງໄດ້ແລກປ່ຽນຄວາມເຫັນຢ່າງເລິກເຊິ່ງຕໍ່ບັນຫາສາກົນແລະພາກພື້ນທີ່ສົນໃຈຮ່ວມກັນ ເຊັ່ນ ບັນຫານິວເຄລຍແຫຼມເກົາຫຼີ, ບັນຫານິວເຄລຍອີຣານ ແລະ ສະຖານະການຢູ່ຕາເວັນອອກກາງ.
 |
 |
 |