 |
 |
 |
 |
|
|
|
|
ລັດຖະບານ ສ.ເກົາຫຼີ ກ່າວໃນວັນທີ 17 ພຶດສະພານີ້ວ່າ ຈະສືບຕໍ່ຫາລືກັບ ສປປ ເກົາຫຼີ ເພື່ອຊຸກຍູ້ການເຈລະຈາການນຳຂັ້ນສູງລະຫວ່າງເໜືອໃຕ້ໃຫ້ຈັດຂຶ້ນໂດຍໄວ.
ໃນວັນດັ່ງກ່າວ, ທ່ານ ຈຸງອີຢົງ ຫົວໜ້າຄະນະຮັກສາຄວາມໝັ້ນຄົງແຫ່ງຊາດ ທຳນຽບປະທານາທິບໍດີຊົງວາເດ ສ.ເກົາຫຼີ ໄດ້ເປັນປະທານກອງປະຊຸມຄະນະກຳມະການຄວາມໝັ້ນຄົງແຫ່ງຊາດ ແລະຊົງວາເດ ໄດ້ຖະແຫຼງວ່າ: ກອງປະຊຸມໄດ້ເປີດເຜີຍຢ່າງຈະແຈ້ງອີກເທື່ອໜຶ່ງວ່າ ສ.ເກົາຫຼີຈະຕັ້ງໜ້າປະຕິບັດຕາມ "ຖະແຫຼງການປານມູນຈອມ" ທີ່ໄດ້ເຊັນກັນໃນການພົບປະລະຫວ່າງປະມຸກລັດ ສ.ເກົາຫຼີ-ສປປ ເກົາຫຼີເມື່ອບໍ່ດົນມານີ້.
ນອກນີ້, ກອງປະຊຸມຍັງໄດ້ຫາລືແລະຕົກລົງກັນວ່າ ຈະຊຸກຍູ້ໃຫ້ນັກຂ່າວໄປຊົມການເຄື່ອນໄຫວທີ່ກ່ຽວຂ້ອງຂອງ ສປປ ເກົາຫຼີໃນການປິດຖານທົດລອງນິວເຄລຍພຸງເກຣີ ແລະຊຸກຍູ້ກິດຈະກຳລະນຶກ 15 ມິຖຸນາ ສ.ເກົາຫຼີ-ສປປ ເກົາຫຼີໃຫ້ດຳເນີນຕາມຈິດໃຈ "ຖະແຫຼງການປານມູນຈອມ" ຢ່າງສະດວກ.
 |
 |
 |