ປະທານສະພາມົນຕີເອີຣົບຮຽກຮ້ອງໃຫ້ສະຫະພາບເອີຣົບຮ່ວມກັນຄັດຄ້ານອາເມລິກາຖອນອອກຈາກສັນຍານິວເຄຼຍອີຣານ
2018-05-18 17:51:45 cri
ວັນທີ 16 ພຶດສະພານີ້, ຢູ່ນະຄອນຫຼວງໂຊເຟຍປະເທດບຸນກາລີ ທ່ານໂດນັນ ທູສ ປະທານມົນຕີເອີຣົບໄດ້ຮຽກຮ້ອງໃຫ້ສະຫະພາບເອີຣົບຮ່ວມກັນ ເພື່ອຄັດຄ້ານອາເມລິກາຖອນອອກຈາກສັນຍານິວເຄຼຍອີຣານ.
ທ່ານກ່າວວ່າ: ຜູ້ນຳບັນດາປະເທດສະຫະພາບເອີຣົບຢ້ຳວ່າ ຂໍພຽງແຕ່ອີຣານຮັກສາສັນຍານິວເຄຼຍອີຣານແລ້ວ, ສະຫະພາບເອີຣົບກໍຈະຮັກສາເຊັ່ນດຽວກັນ. ສັນຍານິວເຄຼຍອີຣານມີຜົນປະໂຫຍດຕໍ່ຄວາມໝັ້ນຄົງຂອງທະວີບເອີຣົບ ກໍຄືທົ່ວໂລກ, ສະນັ້ນ ສະຫະພາບເອີຣົບຕ້ອງຮັກສາສັນຍານີ້. ສະຫະພາບເອີຣົບຄວນເຮັດທຸກວິທີເພື່ອປ້ອງກັນບໍລິສັດເອີຣົບບໍ່ໃຫ້ໄດ້ຮັບຜົນກະທົບຈາກການຖອນອອກຈາກສັນຍານິວເຄຼຍອີຣານຂອງອາເມລິກາ.
ທ່ານກ່າວຕື່ມວ່າ: ສະພາມົນຕີເອີຣົບຄວນອະນຸຍາດໃຫ້ຄະນະກຳມະການສະຫະພາບເອີຣົບຕອບໂຕ້ຄືນ ຖ້າຜົນປະໂຫຍດຂອງຕົນໄດ້ຮັບຜົນກະທົບ.
