ວັນທີ 21 ພຶດສະພານີ້, ຄະນະລັດຖະບານມາເລເຊຍຊຸດໃໝ່ໄດ້ສາບານຕົວດຳລົງຕຳແໜ່ງຢູ່ພະລາຊະວັງແຫ່ງຊາດນະຄອນຫຼວງກົວລາລຳເບີ. ສົມເດັດຊານຕານ ໂມຮຳມັດທີຫ້າ ປະມຸກລັດສູງສຸດມາເລເຊຍ ແລະທ່ານມາຮາເທຍ ບິນໂມຮາມັດ ທີ່ໄດ້ຮັບໃຫ້ດຳລົງຕຳແໜ່ງເປັນນາຍົກລັດຖະມົນຕີມາເລເຊຍໄດ້ເຂົ້າຮ່ວມພິທີດັ່ງກ່າວ.
ຄະນະລັດຖະບານຊຸດນີ້ມີ 13 ຄົນ ເຊິ່ງຈະດຳລົງຕຳແໜ່ງ 14 ຕຳແໜ່ງ. ໃນນີ້, ໄດ້ຊັບຊ້ອນບາງຕຳແໜ່ງໃໝ່ຈຳນວນໜຶ່ງຈາກລັດຖະບານຊຸດກ່ອນ.
ສະຫະພັນຄວາມຫວັງທີ່ເປັນພັກຝ່າຍຄ້ານມາເລເຊຍທີ່ນຳໂດຍທ່ານມາຮາເທຍບິນໂມຮຳມັດໄດ້ຊະນະການເລືອກຕັ້ງໃນວັນທີ 9 ພຶດສະພານີ້ໂດຍໄດ້ຮັບບ່ອນນັ່ງໃນສະພາຕ່ຳຫຼາຍກວ່າເຄິ່ງໜຶ່ງຂອງຈຳນວນບ່ອນນັ່ງທັງໝົດ ຈຶ່ງໄດ້ຮັບສິດເປັນຜູ້ຈັດຕັ້ງຄະນະລັດຖະບານໃໝ່. ທ່ານມາຮາເທຍປີນີ້ອາຍຸ 92 ປີໄດ້ຖືກແຕ່ງຕັ້ງໃຫ້ດຳລົງຕຳແໜ່ງເປັນນາຍົກລັດຖະມົນຕີໃນຕອນຄ່ຳວັນທີ 10 ພຶດສະພານີ້.
