ທ່ານນາຈິບຖືກສອບຖາມຈາກຄະນະກຳມະການຕ້ານການສໍ້ລາດບັງຫຼວງມາເລເຊຍ
2018-05-23 10:43:59 cri
ວັນທີ 22 ພຶດສະພານີ້, ທ່ານ ນາຈິບ ຕູນ ຣາຊັກ ອະດີດນາຍົກລັດຖະມົນຕີມາເລເຊຍ ໄດ້ເດີນທາງໄປຄະນະກຳມະການຕ້ານການສໍ້ລາດບັງຫຼວງເພື່ອຮັບການສອບຖາມກ່ຽວກັບບໍລິສັດພັດທະນາມາເລເຊຍໜຶ່ງ ຫຼື 1MDB.
ຜູ້ຮັບຜິດຊອບຂອງຄະນະກຳມະການດັ່ງກ່າວໄດ້ຖະແຫຼງຂ່າວໃນມື້ດຽວກັນວ່າ, ທ່ານ ນາຈິບ ມາຮອດອົງການຕົນເພື່ອໃຫ້ຄຳອະທິບາຍກ່ຽວກັບເງິນອອມສິນ 42 ລ້ານລິງກິດ ຫຼື ປະມານ 10 ລ້ານໂດລາສະຫະລັດໃນບັນຊີສ່ວນຕົວ, ເງິນອອມສິນກ້ອນນີ້ເຊື່ອວ່າມາຈາກບໍລິສັດ SRC ສາກົນ ເຊິ່ງເປັນອະດີດສາຂາຂອງບໍລິສັດ 1MDB.
ທ່ານ ກ່າວຕື່ມວ່າ, ຫວ່າງມໍ່ໆມານີ້, ຜູ້ສືບສວນໄດ້ຮັບຂໍ້ມູນຂ່າວສານກ່ຽວກັບບໍລິສັດ SRC ສາກົນຫຼາຍກວ່າເກົ່າ, ການທີ່ທ່ານ ນາຈິບ ຖືກສອບຖາມຄັ້ງນີ້ ຕົ້ນຕໍເພື່ອບັນທຶກຄຳໃຫ້ການ, ຄະນະກຳມະການຕ້ານການສໍ້ລາດບັງຫຼວງບໍ່ໄດ້ຈັບຕົວທ່ານ, ແຕ່ອາດຈະຟ້ອງຮ້ອງທ່ານໃນໄວໆນີ້.
