ນັກຂ່າວ ສ.ເກົາຫຼີຈະຮ່ວມການສຳພາດຂ່າວພິທີທຳລາຍຖານທົດລອງນິວເຄລຍ ສປປ ເກົາຫຼີ
ຄະນະນັກຂ່າວ ສ.ເກົາຫຼີທີ່ປະກອບດ້ວຍ 8 ຄົນໄດ້ເດີນທາງເຖິງສະຖານທີ່ທົດລອງນິວເຄລຍພຸງເກຣີ ສປປ ເກົາຫຼີໃນຕອນທ່ຽງວັນທີ 24 ພຶດສະພານີ້ ເພື່ອຮ່ວມກັບນັກຂ່າວຈາກຈີນ, ຣັດເຊຍ, ອາເມລິກາ ແລະ ອັງກິດ ສຳພາດຂ່າວພິທີທຳລາຍສະຖານທີ່ທົດລອງນິວເຄລຍດັ່ງກ່າວ.
ກະຊວງທ້ອນໂຮມເຂົ້າເປັນເອກະພາບ ສ.ເກົາຫຼີ ຢືນຢັນໃນຕອນເຊົ້າວັນທີ 23 ພຶດສະພານີ້ວ່າ: ສປປ ເກົາຫຼີໄດ້ຜ່ານຊ່ອງທາງພົວພັນປານມູນຈອມ ຮັບຮອງບັນຊີລາຍຊື່ຄະນະນັກຂ່າວຂອງ ສ.ເກົາຫຼີທີ່ຈະໄປສຳພາດຂ່າວ ແລະຕົກລົງໃຫ້ຄະນະນັກຂ່າວ ສ.ເກົາຫຼີຂີ່ຍົນຂົນສົ່ງຂອງລັດຖະບານຈາກນະຄອນຫຼວງເຊອຸນມຸ່ງໜ້າສູ່ວອນຊາ ສປປ ເກົາຫຼີໃນຕອນທ່ຽງວັນດັ່ງກ່າວ ແລະຕອນບ່າຍມື້ດຽວກັນ, ຄະນະນັກຂ່າວ ສ.ເກົາຫຼີໄດ້ເດີນທາງເຖິງວອນຊາ ແລະເຂົ້າຮ່ວມກັບຄະນະສຳພາດຂ່າວສາກົນ. ຂ່າວລາຍງານຕື່ມວ່າ ເທື່ອນີ້ເປັນເທື່ອທຳອິດທີ່ຍົນຂົນສົ່ງລັດຖະບານ ສ.ເກົາຫຼີບິນໄປສູ່ ສປປ ເກົາຫຼີໂດຍກົງ ຫຼັງສົງຄາມເກົາຫຼີ.
