ເຈົ້າໜ້າທີ່ຕຳຫຼວດໄທກັກຂັງແກນນຳຜູ້ປະທ້ວງ 14 ຄົນ
2018-05-24 16:00:14 cri
ຕອນຄ່ຳວັນທີ 22 ພຶດສະພານີ້, ເຈົ້າໜ້າທີ່ຕຳຫຼວດໄທກ່າວວ່າ, ໄດ້ກັກຂັງແກນນຳຜູ້ໂຮມຊຸມນຸມປະທ້ວງ 14 ຄົນ,ພ້ອມທັງໄດ້ຮ້ອງຟ້ອງເຂົາເຈົ້າ ໃນຂໍ້ຫາປຸກປັ່ນແລະລະເມີດຄຳສັ່ງຫ້າມການໂຮມຊຸມນຸມທີ່ມີຈຳນວນຄົນຫຼາຍກວ່າ 5 ຄົນແລະໂທດອື່ນໆ.
ວັນທີ 22 ພຶດສະພານີ້ແມ່ນວັນລະລຶກການກໍ່ລັດຖະປະຫານຂອງກອງທັບໄທຄົບຮອບ 4 ປີ, ອົງການຈັດຕັ້ງມະຫາຊົນຂອງໄທອົງການໜຶ່ງໄດ້ຈັດການໂຮມຊຸມນຸມຢູ່ມະຫາວິທະຍາໄລທຳມະສາດຢູ່ບາງກອກ ໂດຍຮຽກຮ້ອງໃຫ້ຈັດການເລືອກຕັ້ງທົ່ວໄປໃນປີນີ້,ແລະໄດ້ປະກາດຈະແຫ່ຂະບວນໄປສຳນັກງານນາຍົກລັດຖະມົນຕີເພື່ອສະແດງຄວາມຮ້ອງຂໍ. ເຈົ້າໜ້າທີ່ຕຳຫຼວດໄທໄດ້ສົ່ງຕຳຫຼວດ 3.000 ຄົນໄປປ້ອງກັນສະຖານທີ່ໂຮມຊຸມນຸມແລະສະຖານທີ່ອ້ອມຂ້າງສຳນັກງານນາຍົກລັດຖະມົນຕີ ພ້ອມທັງສະກັດກັ້ນການແຫ່ຂະບວນປະທ້ວງດັ່ງກ່າວ.
