ລະບຽບການປ້ອງກັນຂໍ້ມູນທີ່ເຂັ້ມງວດທີ່ສຸດຂອງສະຫະພາບເອີລົບເກີດຜົນບັງຄັບໃຊ້
2018-05-25 14:18:26 cri
ລະບຽບການປ້ອງກັນຂໍ້ມູນທົ່ວໄປຂອງສະຫະພາບເອີລົບຈະເລີ່ມເກີດຜົນບັງຕັບໃຊ້ຢູ່ໃນທັງໝົດປະເທດສະມາຊິກສະຫະພາບເອີລົບເລີ່ມແຕ່ວັນທີ 25 ພຶດສະພານີ້ເປັນຕົ້ນໄປ ເຊິ່ງຖືວ່າເປັນລະບຽບການຄຸ້ມຄອງຂໍ້ມູນທາງເຄືອຂ່າຍທີ່ເຂັ້ມງວດທີ່ສຸດໃນປະຫວັດສາດຂອງສະຫະພາບເອີລົບ.
ລະບຽບດັ່ງກ່າວໄດ້ເພີ່ມທະວີສິດສ່ວນຕົວທາງດ້ານຂໍ້ມູນຂອງລູກຄ້າຜູ້ໃຊ້ເຄືອຂ່າຍທັງໝົດຂອງສະຫະພາບເອີລົບ, ໂດຍເພີ່ມໜ້າທີ່ຮັບຜິດຊອບຂອງວິສາຫະກິດໃນດ້ານການປົກປ້ອງຂໍ້ມູນ, ແລະໄດ້ບູລະນະລະບຽບການຕິດຕາມກວດກາທີກ່ຽວຂ້ອງໃຫ້ສົມບຸນຂຶ້ນຕື່ມຢ່າງເດັ່ນຊັດ ເຊິ່ງລະບຽບການດັ່ງກ່າວຈະບໍ່ພຽງແຕ່ມີຜົນບັງຄັບໃຊ້ໃນວິສາຫະກິດທີ່ຂອງເອີລົບທໍ່ນັ້ນ, ສຳລັບວິສຫາກິດທີ່ຕັ້ງຢູ່ນອກສະຫະພາບເອີລົບ, ບໍ່ວ່າວິສາຫະກິດທີ່ກ໋ຽວຂ້ອງຈະຕັ້ງອົງການສາຂາຢູ່ສະຫະພາບເອີລົບຫຼືບໍ່, ຂໍແຕ່ວ່າໄດ້ສຳສົມ, ຊຳລະ ແລກປ່ຍນຂໍ້ມູນຂອງສ່ວນບຸກຄົນຂອງສະຫະພາບເອີລົບແລ້ວ, ກໍ່ຈະຖືກຈັດເຂົ້າຂອບເຂດຄຸ້ມຄອງບໍລິຫານຂອງລະບຽບການດັ່ງກ່າວ.
ກ່ຽວກັບກໍລະນີທີ່ລະເມີດລະບຽບການນີ້ ກໍ່ມີຂໍ້ລົງໂທດຢ່າງເຂັ້ມງວດທີ່ສຸດ. ໂດຍລວມແລ້ວ, ວິສາຫະກິດທີ່ລະເມີດລະບຽບການຈະຖືກປັບໄໝເປັນມູນຄ່າ 20 ລ້ານເອີໂຣຫຼື 4% ຂອງຍອດມູນຄ່າທຸລະກິດໃນທົ່ວໂລກ (ຈະອີງຕາມຕົວເລກທີ່ສູງກວ່ານັ້ນ).
