ການສຶກສາພາສາຈີນຢູ່ອິນໂດເນເຊຍເປີດໜ້າໃໝ່ໃນປະຫວັດສາດ
2018-05-27 14:46:15 cri
ວັນທີ 26 ພຶດສະພານີ້ ຢູ່ນະຄອນຫຼວງຈາກາຕາ, ສະຫະພັນການສຶກສາພາສາຈີນອິນໂດເນເຊຍ ໄດ້ຈັດພິທີຂຶ້ນຮັບຕຳແໜ່ງຂອງສະພາມົນຕີຊຸດທຳອິດ, ທ່ານ ຈູ້ຕີ ທີ່ປຶກສາສະຖານທູດຈີນປະຈຳອິນໂດເນເຊຍ, ຜູ້ຕາງໜ້າອົງການສຶກສາພາສາຈີນຂອງ 20 ແຂວງທົ່ວປະເທດອິນໂດເນເຊຍ, ຜູ້ຕາງໜ້າຜູ້ຊົງຄຸນວຸດທິດ້ານການສຶກສາພາສາຈີນ, ຜູ້ຕາງໜ້າສື່ມວນຊົນ ພ້ອມດ້ວຍບຸກຄົນວົງການອື່ນໆລວມ 100 ກວ່າທ່ານໄດ້ເຂົ້າຮ່ວມ ແລະຮ່ວມກັນເປັນສັກຂີພິຍານໃຫ້ແກ່ການສຶກສາພາສາຈີນທີ່ໄດ້ເປີດໜ້າໃໝ່ໃນປະຫວັດສາດອິນໂດເນເຊຍ.
ທ່ານ ຈູ້ຕີ ທີ່ປຶກສາຂອງສະຖານທູດຈີນປະຈຳອິນໂດເນເຊຍ ກ່າວໃນພິທີດັ່ງກ່າວວ່າ, ຄຽງຄູ່ກັບຈີນແລະປະເທດຕ່າງໆໄປມາຫາສູ່ກັນຢ່າງເລິກເຊິ່ງ, ການຮຽນພາສາຈີນ ນັບມື້ນັບກາຍເປັນກະແສນິຍົມຂອງໂລກ, ຢູ່ອິນໂດເນເຊຍກໍເຊັ່ນດຽວກັນ, ນອກຈາກລູກຫຼານເຊື້ອສາຍຈີນມີຄວາມຕ້ອງການຮຽນພາສາຈີນແລ້ວ, ເພື່ອນມິດຊົນເຜົ່າມິດຕະພາບບໍ່ໜ້ອຍກໍຢາກຊອກຮູ້ປະເທດຈີນໂດຍຜ່ານພາສາຈີນ. ສະນັ້ນ ຈຶ່ງຫວັງໃຫ້ສະຫະພັນການສຶກສາພາສາຈີນອິນໂດເນເຊຍຈົ່ງຈັ້ງຕີນຢູ່ອິນໂດເນເຊຍ, ເລັງສາຍຕາໄປໃສ່ການສຶກສາພາສາຈີນ ແລະເພີ່ມທະວີການຮ່ວມສຳພັນ, ນຳໃຊ້ຄູອາຈານ, ປຶ້ມແບບຮຽນແລະວິທີການສອນຂອງທ້ອງຖິ່ນ, ໃຫ້ການບໍລິການດ້ານພາສາແກ່ວົງການຕ່າງໆຂອງອິນໂດຍເນເຊຍ, ຊຸກຍູ້ການພັດທະນາການສຶກສາພາສາຈີນຢູ່ອິນໂດເນເຊຍ.
ທ່ານ ລຽນຈູ້ນເຫວີຍ ປະທານສະພາມົນຕີສະຫະພັນການສຶກສາພາສາຈີນອິນໂດເນເຊຍຄົນໃໝ່ ໄດ້ກ່າວວ່າ, ໃນຊູ່ມື້ນີ້ແຫ່ງຄວາມເຫັນທີ່ເປັນເອກະພາບກັນ ຄື ສະຕະວັດທີ 21 ແມ່ນສະຕະວັດຂອງຈີນ, ຄົນໃນໂລກນີ້ໄດ້ໄປຮຽນພາສາຈີນນັບມື້ນັບຫຼາຍຂຶ້ນ. ພາລະໜ້າທີ່ຂອງສະຫະພັນຕົນກໍຄື: ໃນຂະນະທີ່ພິຈາລະຈາເຖິງຊາວຈີນຕ່າງດ້າວນັ້ນ, ຫັນໜ້າໄປສູ່ປະຊາຊົນເຜົ່າມິດຕະພາບອັນໄພສານ, ນຳເຂົ້າຄູອາຈານມຸສລິມແລະຊັບພະກອນການສຶກສາອາຊີບຂອງຈີນ, ຮ່ວມມືກັບອົງການການສຶກສາພາສາຈີນຂອງອິນໂດເນເຊຍແລະວິສາຫະກິດຈີນ, ຊຸກຍູ້ການສຶກສາພາສາຈີນແລະອາຊີວະສຶກສາໃຫ້ພັດທະນາໄປໃນຈັງຫວະດຽວກັນ.
