ງານວັດທະນະທຳນາໆຊາດຈັດຂຶ້ນຢູ່ມະຫາວິທະຍາໄລເສດຖະກິດການເງິນສູນກາງຈີນ
ງານວັດທະນະທຳນາໆຊາດຈັດຂຶ້ນຢູ່ມະຫາວິທະຍາໄລເສດຖະກິດການເງິນສູນກາງຈີນໃນ ວັນທີ 26 ພຶດສະພານີ້,ມີຄູອາຈານແລະນັກສຶກສາຕ່າງປະເທດຈາກມະຫາວິທະຍາໄລຕ່າງໆທີ່ນະຄອນຫລວງປັກກິ່ງເຂົ້າຮ່ວມຢ່າງຫລວງຫລາຍ.
ຈຸດປະສົງຂອງງານຄັ້ງນີ້,ເພຶ່ອເປັນການສ້າງຄວາມສາມັກຄີແລະເຜີຍແຜ່ແລກປ່ຽນວັດທະນະທຳອັນດີງາມຂອງບັນດາປະເທດຕ່າງໆ.
ໃນໂອກາດນີ້, ນັກສຶກສາລາວເຊິ່ງນຳໂດຍ ທ່ານ ນະຄອນ ມະນີວັນດວງຄຳ ຮອງເລຂາຈຸພັກນັກສຶກສາລາວ ທ່ານ ແມກ ແສນສຸກ ຫົວໜ້າຄະນະນັກສຶກສາລາວທີ່ປັກກິ່ງພອ້ມດ້ວຍຄະນະ ແລະ 3 ອົງການຈັດຕັ້ງມະຫາຊົນກໍ່ໄດ້ນຳເອົາລາຍການສະແດງທີ່ເປັນເອກະລັກຂອງລາວຄື: ເປົ່າແຄນກ້ຽວສາວ,ຟອ້ນລຳວົງລາວ, ວາງສະແດງເຄື່ອງຫັດຖະກຳ ແລະ ອາຫານລາວເຊັ່ນ: ເຂົ້າໜຽວ,ຕຳໝາກຮຸ່ງ ແລະ ອື່ນໆ. ນອກນີ້, ເຄື່ອງຫັດຖະກຳລາວທີ່ນຳມາ ວາງສະແດງໄດ້ຮັບການຍອ້ງຍໍເປັນພິເສດຈາກຄະນະຈັດງານ ໄດ້ສ້າງຄວາມປະທັບໃຈແລະຄຶກຄື້ນມ່ວນຊື່ນໃຫ້ແກ່ຜູ້ເຂົ້າຮ່ວມຢ່າງຫລວງຫລາຍ.
1 2 3 4 5 
