ໝີແພນດາທີ່ເກີດຢູ່ມາເລເຊຍໂຕທີ 2 ປາກົດຕົວເປັນຄັ້ງທຳອິດ
2018-05-28 10:59:42 cri
ໝີແພນດາໂຕແມ່ທີ່ເກີດຢູ່ມາເລເຊຍໃນວັນທີ 14 ມັງກອນຜ່ານມາ ໄດ້ພົບກັບສາທາລະນະຊົນເປັນຄັ້ງທຳອິດຢູ່ສວນສັດແຫ່ງຊາດມາເລເຊຍໃນວັນທີ 26 ພຶດສະພານີ້.
ສວນສັດໄດ້ຕັ້ງແທ່ນນ້ອຍອັນໜຶ່ງຢູ່ໃນຫ້ອງຂອງຫໍໝີແພນດາໂດຍສະເພາະ ເຊິ່ງເຮັດໃຫ້ຜູ້ຊົມສາມາດເຫັນໝີແພນດາໂຕນັ້ນຢູ່ນອກກະຈົກ. ປັດຈຸບັນ, ຂົນຂອງໝີແພນດາໂຕນ້ອຍໂຕນີ້ ປົ່ງອອກມາເກືອບຄົບແລ້ວ ແລະມີຂອບຕາດຳທີ່ເປັນສັນຍະລັກຂອງມັນ, ແຕ່ຍັງຄານບໍ່ຄ່ອຍເປັນປານໃດ.
ນີ້ແມ່ນໝີແພນດາລູກໂຕທີ 2 ຂອງ "ຊິ່ງໆ" ແລະ "ລ້ຽງໆ" ທີ່ອາໄສຢູ່ມາເລເຊຍແລະເກີດຢູ່ມາເລເຊຍ. ໃນເວລາໃຫ້ສຳພາດຕໍ່ສື່ມວນຊົນ, ທ່ານ ປາຍທ່ຽນ ເອກອັກຄະລັດຖະທູດຈີນປະຈຳມາເລເຊຍ ໄດ້ຂອບໃຈມາເລເຊຍທີ່ໄດ້ດູແລໝີແພນດາ ແລະເຊື່ອວ່າ, ໝີແພນດາທີ່ເກີດໃໝ່ຈະກາຍເປັນທູດມິດຕະພາບ ແລະຊຸກຍູ້ມິດຕະພາບຈີນ-ມາເລເຊຍໂດຍຮ່ວມກັບພໍ່ແມ່ຂອງມັນ. ທ່ານ ປາຍທ່ຽນ ຍັງສະເໜີໃຫ້ຈັດກິດຈະກຳຕັ້ງຊື່ໃຫ້ໝີແພນດານ້ອຍໂຕນີ້ອີກດ້ວຍ.
