ທະນາຄານພັດທະນາໃໝ່ປະເທດບຣິກສອະນຸມັດປ່ອຍເງິນກູ້ໃຫ້ 6 ໂຄງການ
2018-05-29 10:13:31 cri
ທ່ານເຄ ວີ ຄາມັດ ຜູ້ອຳນວຍການໃຫຍ່ທະນາຄານພັດທະນາໃໝ່ປະເທດບຣິກສໄດ້ເປີດເຜີຍໃນກອງປະຊຸມປະຈຳປີຂອງສະພາມົນຕີທະນາຄານພັດທະນາໃໝ່ປະເທດບຣິກສສະໄໝທີ 3 ທີ່ຈັດຂຶ້ນໃນວັນທີ 28 ພຶດສະພານີ້ວ່າ: ທະນາຄານຕົນໄດ້ອະນຸມັດປ່ອຍເງິນກູ້ໃຫ້ 6 ໂຄງການຂອງ 5 ປະເທດສະມາຊິກບຣິກສໃນມູນຄ່າລວມທັງໝົດ 1,6 ຕື້ໂດລາສະຫະລັດ. ມາຮອດປັດຈຸບັນ, ທະນາຄານພັດທະນາໃໝ່ໄດ້ອະນຸມັດແລ້ວ 21 ໂຄງການທີ່ມີຍອດມູນຄ່າເງິນກູ້ຫຼາຍກວ່າ 5,1 ຕື້ໂດລາສະຫະລັດ.
ທ່ານຄາມັດຢືນຢັນວ່າ ໃນຕໍ່ໜ້າ, ທະນາຄານພັດທະນາໃໝ່ຈະໃຫ້ຄວາມສົນໃຈແກ່ໂຄງການພະລັງງານໝູນວຽນ,ການປັບປຸງສິ່ງແວດລ້ອມໃຫ້ດີຂຶ້ນ,ການກໍ່ສ້າງພື້ນຖານໂຄງລ່າງແລະໂຄງການອື່ນໆໃຫ້ຫຼາຍກວ່າເກົ່າເພື່ອສຸມໃສ່ຊ່ວຍໃຫ້ປະເທດສະມາຊິກບັນລຸເປົ້າໝາຍເສດຖະກິດພັດທະນາແບບຍືນຍົງແລະຫຼຸດຜ່ອນຄວາມທຸກຍາກ.
ຂ່າວແຈ້ງວ່າ: ທະນາຄານພັດທະນາໃໝ່ປະເທດບຣິກສໄດ້ສ້າງຕັ້ງສູນປະຈຳເຂດອາຟຣິກກາຢູ່ອາຟຣິກກາໃຕ້ໃນປີ 2017 ຜ່ານມາ ແລະພາຍໃນປີ 2018 ນີ້ຈະສ້າງຕັ້ງສະຖາບັນສາຂາຢູ່ເບຣຊີນ ເຊິ່ງເປັນແຫ່ງທຳອິດຢູ່ທະວີບອາເມລິກາ ເຊິ່ງສອງສະຖາບັນນີ້ຈະສາມາດຊ່ວຍທະນາຄານກະກຽມໃຫ້ໂຄງການການລົງທຶນຢູ່ອາຟຣິກກາແລະທະວີບອາເມລິກາໃຫ້ດີກວ່າເກົ່າ.
