ເວທີປຶກສາຫາລືສາກົນຕ້ານການກໍ່ການຮ້າຍ "ກຳແພງໃຫຍ່ 2018" ຈັດຂຶ້ນຢູ່ນະຄອນຫຼວງປັກກິ່ງ
2018-05-29 09:57:05 cri
ເວທີປຶກສາຫາລືສາກົນຕ້ານການກໍ່ການຮ້າຍ "ກຳແພງໃຫຍ່ 2018" ຂອງກອງຕຳຫຼວດປະກອບອາວຸດ ໄດ້ຈັດຂຶ້ນຢູ່ນະຄອນຫຼວງປັກກິ່ງໃນຕອນເຊົ້າວັນທີ 28 ພຶດສະພານີ້. ຜູ້ຕາງໜ້າ 180 ກວ່າທ່ານຈາກກອງທະຫານທີ່ມີໜ້າທີ່ຄືກັນຂອງ 28 ປະເທດ ເຊັ່ນ: ຈີນ, ຟິລິບປິນ, ກຳປູເຈຍ, ມຽນມາ, ຫວຽດນາມ, ໄທ ແລະອື່ນໆເຂົ້າຮ່ວມ.
ທ່ານພົນໂທ ຊິນທ່ຽນ ຮອງຜູ້ບັນຊາການກອງຕຳຫຼວດປະກອບອາວຸດຈີນ ໄດ້ປະກອບຄຳຄິດເຫັນໃນພິທີດັ່ງກ່າວວ່າ, ການທີ່ຈັດເວທີປຶກສາຫາລືສາກົນຕ້ານການກໍ່ການຮ້າຍຄັ້ງນີ້ ມີຈຸດປະສົງເພື່ອຮ່ວມກັບປະເທດຕ່າງໆ ສ້າງເວທີການຮ່ວມມື, ຮ່ວມກັນຊົມໃຊ້ຜົນງານຈາກການແລກປ່ຽນ, ຮ່ວມກັນຍົກສູງຄວາມສາມາດໃນການຮັບມືແລະຊຳລະເຫດການກໍ່ການຮ້າຍຢ່າງບັງເກີດຜົນ, ປົກປັກຮັກສາຄວາມໝັ້ນຄົງແຫ່ງຊາດແລະຄວາມສະຫງົບທາງສັງຄົມຂອງປະເທດຕ່າງໆ.
ເວທີປຶກສາຫາລືຄັ້ງນີ້ ຈະດຳເນີນໄປເປັນເວລາ 4 ມື້ ໂດຍຈະປຶກສາຫາລືແລະແລກປ່ຽນກັບກອງທະຫານທີ່ມີໜ້າທີ່ຄືກັນຂອງປະເທດຕ່າງໆໂດຍປິ່ນອ້ອມຫົວຂໍ້ການນຳໃຊ້ວິທີການເຄື່ອນໄຫວຕ້ານການກໍ່ການຮ້າຍເຂດພູດອຍ.
