ງານສັບປະດາວັດທະນະທຳຈີນ 2018 ທີ່ມີຫົວຂໍ້ "ງານສັບປະດາວາງສະແດງຜົນງານຄວາມຄິດສ້າງສັນທາງວັດທະນະທຳຈີນ" ໂດຍມີສູນວັດທະນະທຳຈີນປະຈຳ ສປປ ລາວແລະພະແນກວັດທະນະທຳເຂດປົກຄອງຕົນເອງເຜົ່າຈ້ວງກວາງຊີ ສປ ຈີນເປັນເຈົ້າພາບຮ່ວມໄດ້ຈັດຂຶ້ນຢູ່ໂຮງຮຽນສິລະປະແຫ່ງຊາດລາວທີ່ນະຄອນຫຼວງວຽງຈັນໃນວັນທີ 29 ພຶດສະພານີ້ ແລະຈະດຳເນີນໄປຈົນເຖິງວັນທີ 1 ມິຖຸນາໜ້ານີ້.
ໃນໄລຍະຈັດງານສັບປະດາ, ຍັງຈະຈັດກິດຈະກຳສຳຜັດວິທະຍາສາດເຕັກໂນໂລຊີທັນສະໄໝ "ອະນາຄົດທີ່ໂດດເດັ່ນ", ກາຕູນງີ້ວແລະອື່ນໆຢູ່ໂຮງຮຽນຕ່າງໆແລະສູນຊ່ວຍເຫຼືອເດັກນ້ອຍນະຄອນຫຼວງວຽງຈັນ ເພື່ອໃຫ້ເດັກນ້ອຍລາວ ໄດ້ສຳຜັດປະສົບການຕົວຈິງກັບຜະລິດຕະພັນທີ່ມີຫົວຄິດປະດິດສ້າງໃນການເຮັດໃຫ້ວິທະຍາສາດເຕັກໂນໂລຊີທີ່ກ້າວໜ້າທັນສະໄໝປະສົມປະສານກັບວັດທະນະທຳດັ້ງເດີມຂອງຈີນ.
1 2 
