ມູນຄ່າການຄ້າເອເລັກໂຕຣນິກຂອງຈີນໃນປີ 2017 ບັນລຸຫຼາຍກວ່າ 29.000 ຕື້ຢວນ
2018-05-30 11:38:10 cri
ກອງປະຊຸມການຄ້າເອເລັກໂຕຣນິກຈີນ 2018 ໄດ້ຈັດຂຶ້ນຢູ່ນະຄອນຫຼວງປັກກິ່ງໃນວັນທີ 28 ພຶດສະພານີ້. ທ່ານນາງຊ່ຽນຟາງລີ້ ຫົວໜ້າກົມການຄ້າເອເລັກໂຕຣນິກແລະເຕັກໂນໂລຊີຂໍ້ມູນຂ່າວສານກະຊວງການຄ້າຈີນໄດ້ເປີດເຜີຍບົດລາຍງານການພັດທະນາການຄ້າເອເລັກໂຕຣນິກຈີນ 2017 ໃນກອງປະຊຸມຄັ້ງນີ້.
ບົດລາຍງານລະບຸວ່າ: ມູນຄ່າການຄ້າເອເລັກໂຕຣນິກຈີນໃນປີ 2017 ຜ່ານມາໄດ້ບັນລຸເຖິງ 29.160 ຕື້ຢວນ, ເພີ່ມຂຶ້ນ 11,7% ເມື່ອທຽບໃສ່ປີ 2016. ໃນນີ້, ມູນຄ່າການຄ້າເອເລັກໂຕຣນິກປະເພດການບໍລິການບັນລຸເຖິງ 4960 ຕື້ຢວນ, ເພີ່ມຂຶ້ນ 35,1% ທຽບໃສ່ປີ 2016 ແລະເພີ່ມຂຶ້ນ 13,2% ເມື່ອທຽບໃສ່ປີ 2015.
ບົດລາຍງານຍັງລະບຸຕື່ມວ່າ: ປີ 2017 ຜ່ານມາ,ຍອດມູນຄ່າສິນຄ້າຂາເຂົ້າຂາອອກໃນການຄ້າເອເລັກໂຕຣນິກຂ້າມຊາດບັນລຸເຖິງ 90,24 ຕື້ຢວນ,ເພີ່ມຂຶ້ນ 80,6% ເມື່ອທຽບໃສ່ປີ 2016. ໃນນີ້, ມູນຄ່າສິນຄ້ານຳເຂົ້າ 56,59 ຕື້ຢວນ, ເພີ່ມຂຶ້ນ 120%, ມູນຄ່າສິນຄ້າສົ່ງອອກ 33,65 ຕື້ຢວນ, ເພີ່ມຂຶ້ນ 41,3%, ການຄ້າເອເລັກໂຕຣນິກຂ້າມຊາດນັບມື້ນັບກາຍເປັນຊ່ອງທາງໃໝ່ໃນການບຸກເບີກຕະຫຼາດຕ່າງປະເທດຂອງສິນຄ້າຈີນ.
