ການປະຕິຮູບຂອງເສດຖະກິດຈີນໃນຂົງເຂດທີ່ສຳຄັນໄດ້ຮັບຄວາມຄືບໜ້າ
2018-05-31 14:55:15 cri
ວັນທີ 30 ພຶດສະພານີ້, ທ່ານ ເຈັມສ ດາເນວ ຜູ້ຊ່ວຍພາກສ່ວນອາຊີປາຊີຟິກຂອງອົງການກອງທຶນເງິນຕາສາກົນຫຼື IMF ກ່າວຢູ່ປັກກິ່ງວ່າ, ການປະຕິຮູບຂອງຈີນໃນບາງຂົງເຂດທີ່ສຳຄັນໄດ້ຮັບຄວາມຄືບໜ້າ,ຄື: ໄດ້ເລັ່ງລັດປະຕິບັດວຽກງານປ້ອງກັນຄວາມສ່ຽງຂອງພາກສ່ວນການທະນາຄານ;ຄວາມໄວເພີ່ມຂຶ້ນຂອງເງິນກູ້ສິນເຊື່ອໄດ້ຫຼຸດລົງ;ສືບຕໍ່ຊຸກຍູ້ການຫຼຸດຜ່ອນຄວາມສາມາດດ້ານການຜະລິດທີ່ເຫຼືອເກີນໄປ;ເພີ່ມຄວາມເຂັ້ມງວດໃນການຄວບຄຸມສິ່ງມົນລະພິດ;ຊຸກຍູ້ຂະບວນການເປີດປະຕູຢ່າງບໍ່ຢຸດຢັ້ງ.
ທ່ານ ເຈັມສ ດາເນວ ກ່າວຕື່ມວ່າ, IMF ຊົມເຊີຍຕໍ່ຈີນທີ່ໄດ້ຫັນປ່ຽນຈຸດສຸມນະໂຍບາຍຂອງຕົນໂດຍຈາກການເນັ້ນການເຕີບໂຕທີ່ມີຄວາມໄວສູງມາເປັນຍຸດທະສາດການພັດທະນາທີ່ມີຄຸນນະພາບສູງຢ່າງຂາດຕົວ,ພ້ອມທັງສະເໜີໃຫ້ຄວບຄຸມການເຕີບໂຕຂອງເງິນກູ້ສິນເຊື່ອ,ຊຸກຍູ້ການບໍລິໂພກຕື່ມອີກ,ເລັ່ງເປີດປະຕູສູ່ພາຍນອກແລະອື່ນໆ.
ນອກນີ້, ທ່ານ ດາເນວ ຍັງກ່າວຕື່ມວ່າ, ຂໍ້ລິເລີ່ມ "ໜຶ່ງແລວໜຶ່ງເສັ້ນທາງ"ແມ່ນຂໍ້ລິເລີ່ມທີ່ໜ້າຊົມເຊີຍແລະມີລັກສະນະເປັນການປະຕິຮູບແບບໜຶ່ງ.
