ສປປ.ເກົາຫຼີ ແລະອາເມລິກາຈັດການເຈລະຈາຢູ່ເຂດປານມູນຈອມ
2018-05-31 15:15:52 cri
ວັນທີ 30 ພຶດສະພານີ້, ເຈົ້າໜ້າທີ່ສປປ.ເກົາຫຼີ ແລະອາເມລິກາໄດ້ພົບປະເຈລະຈາຢູ່ເຂດປານມູນຈອມເບື້ອງສປປ.ເກົາຫຼີ ເພື່ອປຶກສາຫາລືກ່ຽວກັບຫົວຂໍ້ການເຈລະຈາລະຫວ່າງປະມຸກລັດສອງປະເທດ.
ຕາມການລາຍງານຈາກສື່ມວນຊົນຫຼາຍແຫ່ງ ຄື: ຂ່າວສານຢອນຮັບ, ວິທະຍຸກະຈາຍສຽງສາກົນສ.ເກົາຫຼີ ແລະອື່ນໆວ່າ: ຜູ້ຕາງໜ້າຂອງສປປ.ເກົາຫຼີ ແລະອາເມລິກາໄດ້ດຳເນີນການເຈລະຈາເທື່ອທີສອງຢູ່ເຂດປານມູນຈອມເບື້ອງສປປ.ເກົາຫຼີ. ເຖິງແມ່ນວ່າບໍ່ຮູ້ເນື້ອໃນຕົວຈິງຂອງການເຈລະຈາກໍຕາມ, ແຕ່ມີບັນຍາກາດທີ່ດີ, ຫວັງວ່າຜ່ານການພົບປະລະຫວ່າງເຈົ້າໜ້າທີ່ຂັ້ນສູງຈະສາມາດເຮັດໃຫ້ການເຈລະຈາລະຫວ່າງຜູ້ນຳສູງສຸດສປປ.ເກົາຫຼີ ແລະປະທານາທິບໍດີອາເມລິກາຈະມີໝາກຜົນອັນຈົບງາມ.
