ຟິລິບປິນອອກກົດໝາຍໃໝ່ເພື່ອປັບປຸງສະພາບແວດລ້ອມໃນການດຳເນີນທຸລະກິດ
2018-05-31 15:31:15 cri
ວັນທີ 28 ພຶດສະພານີ້, ທ່ານໂຣດຣີໂກ ດູເຕີເຕ ປະທານາທິບໍດີຟິລິບປິນໄດ້ລົງນາມປະກາດ "ກົດໝາຍໃໝ່ເພື່ອຄວາມສະດວກໃນການດຳເນີນທຸລະກິດ ແລະຍົກສູງປະສິດທິພາບຂອງລັດຖະບານໃນປີ 2018". ລັດຖະບານຟິລິບປິນຫວັງວ່າ: ກົດໝາຍໃໝ່ນີ້ສາມາດເຮັດໃຫ້ຄວາມຮຽກຮ້ອງຕ້ອງການ ແລະລະບຽບການປະຕິບັດງານທຸກປະການຂອງລັດຖະບານກະທັດຮັດງ່າຍຂຶ້ນກວ່າເກົ່າ ແລະຍົກສູງປະສິດທິພາບໃນການເຮັດວຽກຂອງລັດຖະບານ ເພື່ອປັບປຸງສະພາບແວດລ້ອມໃນການດຳເນີນທຸລະກິດໃນທົ່ວປະເທດໄດ້ຢ່າງສະດວກສະບາຍກວ່າເກົ່າ.
ກົດໝາຍໃໝ່ນີ້ໄດ້ລະບຸວ່າ: ນັບແຕ່ປະຊາຊົນໄດ້ສະເໜີຄຳຮ້ອງຂໍເປັນຕົ້ນໄປ, ອົງການລັດຖະບານຕ້ອງອຳນວຍຄວາມສະດວກໃຫ້ປະຊາຊົນ ແລະສຳເລັດໃນການປະຕິບັດວຽກງານຂັ້ນຕົ້ນຂອງຕົນພາຍໃນ 3 ມື້, ແລະໃຫ້ສຳເລັດວຽກງານຕ່າງໆພາຍໃນ 7 ມື້ ແລະສຸດທ້າຍຕ້ອງໃຫ້ສຳເລັດວຽກງານດ້ານເຕັກນິກສູງພາຍໃນ 20 ມື້. ຖ້າບໍ່ສາມາດເຮັດສຳເລັດຕາມເວລາກຳນົດ, ພະນັກງານຈະຖືກປັບໃໝ ແລະຖືກປະຕິບັດກົດລະບຽບທີ່ກຳນົດໄວ້. ກົດໝາຍນີ້ຍັງແນໃສ່ປ້ອງກັນການສໍ້ລາດບັງຫຼວງອີກດ້ວຍ.
ບົດລາຍງານກຳລັງການແຂ່ງຂັນໂລກປີ 2018 ທີ່ປະກາດໂດຍສາກົນສະຖາບັນບໍລິຫານການພັດທະນາສາກົນນະຄອນໂລຊານປະເທດສະວິດໄດ້ສະແດງໃຫ້ເຫັນວ່າ: ກຳລັງການແຂ່ງຂັນລວມຂອງຟິລິບປິນຢູ່ອັນດັບທີ 50 ຂອງກຸ່ມເສດຖະກິດໂລກໃນຈຳນວນທັງໝົດ 63 ແຫ່ງ, ຫຼຸດລົງ 9 ອັນດັບທຽບໃສ່ປີ 2017.
