ລັດຖະມົນຕີກະຊວງການຕ່າງປະເທດຣັດເຊຍຮຽກຮ້ອງໃຫ້ຝ່າຍຕ່າງໆຮັກສາຂະບວນການແກ້ໄຂບັນຫາແຫຼມເກົາຫຼີ
2018-06-01 11:21:24 cri
ທ່ານ ເຊີເກ ລາວຼົຟ ລັດຖະມົນຕີກະຊວງການຕ່າງປະເທດຣັດເຊຍກ່າວຢູ່ນະຄອນຫຼວງພຽງຢາງ ສປປ ເກົາຫຼີວ່າ, ຫວັງວ່າຝ່າຍຕ່າງໆທີ່ກ່ຽວຂ້ອງຈະສາມາດປະຕິບັດການຢ່າງສຸຂຸມຮອບຄອບ,ປົກປັກຮັກສາຂະບວນການແກ້ໄຂບັນຫາແຫຼມເກົາຫຼີ. ຣັດເຊຍຫວັງວ່າຈະສາມາດເພີ່ມທະວີການຮ່ວມມືດ້ານເສດຖະກິດກັບ ສປປ ເກົາຫຼີ ແລະ ສ.ເກົາຫຼີ ຕື່ມອີກ.
ເວັບໄຊກະຊວງການຕ່າງປະເທດຣັດເຊຍແຈ້ງໃຫ້ຮູ້ວ່າ: ທ່ານ ເຊີເກ ລາວຼົຟ ໄດ້ເດີນທາງຢ້ຽມຢາມ ສປປ ເກົາຫຼີ ໃນມື້ດັ່ງກ່າວແລະໄດ້ພົບປະໃນເວລາສັ້ນໆກັບທ່ານ ກິມເຈີງອູນ ຜູ້ນຳສູງສຸດຂອງ ສປປ ເກົາຫຼີ ຢູ່ນະຄອນຫຼວງພຽງຢາງ. ທ່ານ ເຊີເກ ລາວຼົຟ ກ່າວໃນການພົບປະວ່າ, ຣັດເຊຍຫວັງວ່າຈະສາມາດເຫັນແຫຼມເກົາຫຼີກໍ່ຄືອາຊີຕາເວັນອອກສຽງເໜືອມີສັນຕິພາບ,ສະຖຽນລະພາບແລະຄວາມຈະເລີນຮຸ່ງເຮືອງ,ຣັດເຊຍໄດ້ສະແດງຄວາມຍ້ອງຍໍຕໍ່ "ຖະແຫຼງການປານມູນຈອມ" ທີ່ສປປ ເກົາຫຼີ ແລະ ສ.ເກົາຫຼີເຊັນກັນໃນເມື່ອກ່ອນ,ພ້ອມທັງຍິນດີປະກອບສ່ວນຕໍ່ການປະຕິບັດຖະແຫຼງການດັ່ງກ່າວ.
ໂອກາດນີ້, ທ່ານ ເຊີເກ ລາວຼົຟ ຍັງໄດ້ຝາກຄວາມຢື້ຢາມຖາມຂ່າວຂອງທ່ານ ວະລາດີເມຍ ປູຕິນ ປະທານາທິບໍດີຮັດເຊຍຕໍ່ທ່ານ ກິມເຈີງອູນ, ພ້ອມທັງເຊື້ອເຊີນທ່ານກິມເຈີງອູນໄປຢ້ຽມຢາມຣັດເຊຍຕາມເວລາທີ່ເໝາະສົມ.
