ກອງປະຊຸມປຶກສາຫາລືສົ່ງເສີມການຄ້າຈີນ-ຫວຽດນາມຈັດຂຶ້ນຢູ່ແຂວງປັກຢາງຫວຽດນາມ
2018-06-01 16:10:00 cri
ວັນທີ 31 ພຶດສະພາຜ່ານມານີ້, ກອງປະຊຸມປຶກສາຫາລືກ່ຽວກັບການສົ່ງເສີມການຄ້າລະຫວ່າງຈີນ-ຫວຽດນາມພາຍໃຕ້ຫົວຂໍ້ "ນ້ຳໃຈນັກທຸລະກິດຕາມໜຶ່ງແລວໜຶ່ງເສັ້ນທາງ" ໄດ້ຈັດຂຶ້ນຢູ່ແຂວງປັກຢາງປະເທດຫວຽດນາມ ເຊິ່ງມີຜູ້ນຳ, ແຂກຜູ້ມີກຽດ ແລະນັກທຸລະກິດສອງປະເທດເຂົ້າຮ່ວມ.
ທ່ານຫງວນວັນລີງ ປະທານຄະນະກຳມະການປະຊາຊົນແຂວງປັກຢາງຫວຽດນາມໄດ້ກ່າວປາໄສວ່າ: ຈີນ ແລະຫວຽດນາມເພີ່ມທະວີການຮ່ວມມືຕົວຈິງໃນຂົງເຂດຕ່າງໆ ຄື: ເສດຖະກິດ, ການຄ້າ, ການລົງທຶນ ແລະອື່ນໆ, ຕັ້ງໜ້າສົ່ງເສີມການເຊື່ອມຕໍ່ກັນລະຫວ່າງຂອບເຂດ "ສອງແລວທາງໜຶ່ງວົງເສດຖະກິດ" ແລະຂໍ້ລິເລີ່ມ "ໜຶ່ງແລວໜຶ່ງເສັ້ນທາງ", ສະໜັບສະໜູນ ແລະໃຫ້ຄຳໝັ້ນສັນຍາສ້າງເງື່ອນໄຂທີ່ເອື້ອອຳນວຍຕໍ່ວິສາຫະກິດຈີນເຂົ້າມາລົງທຶນຢູ່ແຂວງປັກຢາງຫວຽດນາມ.
ກອງປະຊຸມນີ້ເປັນເຈົ້າພາບໂດຍສະພາການຄ້າຈີນຢູ່ຫວຽດນາມ ແລະສະມາຄົມອຸດສາຫະກຳພະລັງງານແສງຕາເວັນສະພາການຄ້າຈີນຢູ່ຫວຽດນາມ, ເພື່ອປະກອບສ່ວນປະຕິບັດຂໍ້ລິເລີ່ມ "ໜຶ່ງແລວໜຶ່ງເສັ້ນທາງ" ໃຫ້ວິສາຫະກິດທີ່ດີຂອງຈີນ, ທັງສະແດງໃຫ້ເຫັນສະພາບແວດລ້ອມການລົງທຶນຂອງຫວຽດນາມ ແລະດຶງດູດວິສາຫະກິດຈີນເຂົ້າຮ່ວມການສ້າງພື້ນຖານໂຄງລ່າງ ກໍຄືການລົງທຶນໃນຂົງເຂດອື່ນໆຂອງຫວຽດນາມ, ຊຸກຍູ້ຂະບວນການພັດທະນາ "ໜຶ່ງແລວໜຶ່ງເສັ້ນທາງ".
