ວິຊາການຈີນບັນຍາຍແຜນການຂອງຈີນກ່ຽວກັບການເຮັດໃຫ້ອາຊີປາຊີຟິກມີຄວາມສະຫງົບແລະສະຖຽນລະພາບເປັນເວລາດົນນານໃນກອງປະຊຸມສົນທະນາແຊງກຼີລາ
2018-06-03 13:17:39 cri
ໃນກອງປະຊຸມສົນທະນາແຊງກຼີລາຄັ້ງທີ 17 ທີ່ພວມດຳເນີນຢູ່ສິງກະໂປ, ວິຊາການຂອງຈີນໄດ້ຕັ້ງຫນ້າບັນຍາຍແຜນການຂອງຈີນກ່ຽວກັບການໃຫ້ພາກພື້ນອາຊີປາຊິກຟິກບັນລຸຄວາມສະຫງົບແລະສະຖຽນລະພາບເປັນເວລາດົນນານ, ແລະປະກອບສ່ວນຂອງຕົນເຂົ້າໃນການພະຍາຍມບັນລຸສັນຕິພາບແລະສະຖຽນລະພາບຂອງພາກພື້ນອາຊີປາຊີຟິກເປັນເວລາຍາວນານ.
ໃນເວລາປະກອບຄຳຄິດຄຳເຫັນໃນກອງປະຊຸມທີ່ດຳເນີນໃນວັນທີ 2 ມິຖຸນານີ້, ທ່ານເຫີເລີຍ ຫົວໜ້າຄະນະຜູ້ແທນຈີນ ຮອງຫົວໜ້າສະຖາບັນວິທະຍາສາດການທະຫານຈີນຊີ້ອອກວ່າ, ການເກີດບັນຫາຄວາມໝັ້ນຄົງຢ່າງຫຼວງຫຼາຍຢູ່ພາກພື້ນອາຊີປາຊີຟິກສ່ວນຫຼາຍແມ່ນຍ້ອນການພັດທະນາ, ທາງອອກກໍແຍກອອກຈາກການພັດທະນາບໍ່ໄດ້ເຊັ່ນກັນ. ຈີນໄດ້ອອກແຮງຊຸກຍູ້ການພັດທະນາຮ່ວມກັນ, ສຸມໃສ່ການແກ້ໄຂບັນຫາຄວາມໝັ້ນຄົງຈາກດ້ານກົກຮາກ, ເຊິ່ງຂໍ້ລິເລີ່ມ ໜຶ່ງແລວໜຶ່ງເສັ້ນທາງທີ່ສະເໜີໂດຍຈີນບໍ່ພຽງແຕ່ໄດ້ນຳເອົາໂອກາດພັດທະນາດ້ານເສດຖະກິດມາໃຫ້ປະເທດຕ່າງໆໃນໂລກທໍ່ນັ້ນ, ຍັງໄດ້ສະໜອງແນວຄວາມຄິດແລະແຜນການໃຫ້ບັນດາປະເທດໃນການແກ້ໄຂບັນຫາຄວາມໝັ້ນຄົງ.
ທ່ານໂຈ່ວໂປ ຫົວໜ້າສູນການຮ່ວມມືດ້ານຄວາມໝັ້ນຄົງຂອງຫ້ອງການຮ່ວມມືທາງການທະຫານສາກົນຄະນະກຳມະການການທະຫານສູນກາງຈີນກ່າວວ່າ, ຈີນຮູ້ຢ່າງເລິກເຊິ່ງວ່າການພັດທະນາໂດຍສັນຕິຂອງຕົນເອງມີສ່ວນກ່ຽວພັນກັບອະນາຄົດຂອງອາຊີປາຊີຟິກຢ່າງແໜ້ນແຟ້ນ, ແລະມີຄຳເຫັນວ່າຕ້ອງດຳເນີນການສົນທະນາແລະຮ່ວມມືກັນດ້ານຄວາມໝັ້ນຄົງລະຫວ່າງສອງຝ່າຍແລະຫຼາຍຝ່າຍ, ເພື່ອຊຸກຍູ້ໃຫ້ການຮ່ວມມືດ້ານເສດຖະກິດ ແລະການຮ່ວມມືດ້ານຄວາມໝັ້ນຄົງພັດທະນາໄປພ້ອມກັນ. ໂຄງຄວາມຄິດຂອງຈີນກ່ຽວກັບຂອບຄວາມໝັ້ນຄົງອາຊີປາຊີຟິກແມ່ນເປັນການເພີ່ມເຕີມແລະບູລະນະຕໍ່ກົນໄກທີ່ມີຢູ່ໃນປັດຈຸບັນ ເຊິ່ງແກນກາງແມ່ນການຮ່ວມມື ຫາກບໍ່ແມ່ນການເປັນປໍລະປັກກັນ. ທ່ານກ່າວວ່າ, ການພົວພັນຈີນ-ອາເມລິກາມີຄວາມໝັ້ນຄົງ, ພາກພື້ນອາຊີອາຊີຟິກຈິ່ງມີສະຖຽນລະພາບໄດ້. ເມື່ອທຽບກັບຂົງເຂດຄວາມໝັ້ນຄົງເກົ່າແລ້ວ, ບັນດາປະເທດທີ່ຢູ່ພາກພື້ນແຫ່ງນີ້ຈະມີຄວາມຮັບຮູ້ເປັນເອກະພາບກັນຫຼາຍກ່ຽວກັບການແກ້ໄຂບັນຫາຄວາມໝັ້ນຄົງທີ່ເກີດໃໝ່, ແລະກໍ່ຈະມີພຶດຕິກຳຫຼາຍກວ່າ, ສະນັ້ນຫວັງວ່າບັນດາປະເທດອາຊຽນ ແລະປະເທດທີ່ຢູ່ນອກພາກພື້ນແຫ່ງນີ້ຫຼາຍກວ່າເກົ່າຈົ່ງເພີ່ມທະວີການຮ່ວມມືກັນ, ຮ່ວມກັນຮັບມືກັບການທ້າທາຍຕໍ່ຄວາມໝັ້ນຄົງທີ່ບໍ່ແມ່ນດັ້ງເດີມໃນທຸກຮູບການທີ່ເກີດຂຶ້ນຢູ່ພາກພື້ນແຫ່ງນີ້.
