ຈັດກອງປະຊຸມເວທີປຶກສາຫາລືວ້ານໂຊ້ວຢູ່ຕ່າງປະເທດຄັ້ງທຳອິດ
2018-06-03 17:55:18 cri
ກອງປະຊຸມເວທີປຶກສາຫາລືວ້ານໂຊ້ວຄັ້ງທີ 20 ໄດ້ຈັດຂຶ້ນຢູ່ນະຄອນຫຼວງເນໂຣບີປະເທດເຄັນຢາໃນວັນທີ 2 ມິຖຸນານີ້ ເຊິ່ງເປັນຄັ້ງທຳອິດທີ່ຈັດກອງປະຊຸມຢູ່ຕ່າງປະເທດ.
ກອງປະຊຸມຄັ້ງນີ້ມີຫົວຂໍ້ຕົ້ນຕໍ "ການຮ່ວມມືຈີນ-ອາຟຣິກາພາຍໃຕ້ຂອບການຮ່ວມມືໃຕ້-ໃຕ້ໃນຍຸກໃໝ່", ສຸມໃສ່ "ການຮ່ວມມືສາກົນຂອງໜຶ່ງແລວໜຶ່ງເສັ້ນທາງ ແລະຄູ່ຮ່ວມຊາຕາກຳຈີນ-ອາຟຣິກາ" "ການສ້າງຄວາມສາມາດດ້ານການພັດທະນາແລະການຮ່ວມມືຈີນ-ອາຟຣິກາ"ແລະຫົວຂໍ້ອື່ນໆ.
ເວທີປຶກສາຫາລືວ້ານໂຊ້ວແມ່ນເວທີແລກປ່ຽນແລະສົນທະນາສາກົນທີ່ຄະນະພົວພັນຕ່າງປະເທດຂອງສູນກາງພັກກອມມູນິດຈີນເປັນເຈົ້າພາບຈັດຂຶ້ນໃນປີ 2016 ໂດຍມີຈຸດປະສົງເພື່ອເຊີນຊວນພັກການເມືອງ-ນັກການເມືອງແລະນັກວິຊາການສະພາຜູ້ຊົງຄຸນວຸດທິຂອງບັນດາປະເທດດຳເນີນການຄົ້ນຄວ້າປຶກສາຫາລືແລະການເຈລະຈາກັນໂດຍປິ່ນອ້ອມການສ້າງຄູ່ຮ່ວມຊາຕາກຳມວນມະນຸດ,ສ້າງໂລກທີ່ສວຍງາມ,ການຮ່ວມມືໃຕ້-ໃຕ້ແບບໃໝ່,ການເມືອງແລະການປົກຄອງປະເທດຂອງພັກການເມືອງແລະຫົວຂໍ້ອື່ນໆ.
