ກອງປະຊຸມຊາວຈີນຕ່າງດ້າວທົ່ວໂລກເພື່ອສົ່ງເສີມການທ້ອນໂຮມຈີນເຂົ້າເປັນເອກະພາບໂດຍສັນຕິໄຂຂຶ້ນຢູ່ປານາມາ
2018-06-04 10:43:26 cri
ຂ່າວສານຊິນຮວາລາຍງານວ່າ: ກອງປະຊຸມຊາວຈີນຕ່າງດ້າວທົ່ວໂລກເພື່ອສົ່ງເສີມການທ້ອນໂຮມຈີນເຂົ້າເປັນເອກະພາບໂດຍສັນຕິໄຂຂຶ້ນຢູ່ນະຄອນຫຼວງປານາມາ ສາທາລະນະລັດປານາມາໃນວັນທີ 2 ມິຖຸນານີ້ໂດຍທ່ານວ້ານກ່າງ ຮອງປະທານສະພາປຶກສາການເມືອງປະຊາຊົນແຫ່ງຊາດຈີນ,ຮອງປະທານສະມາຄົມສົ່ງເສີມການທ້ອນໂຮມປະເທດຊາດເຂົ້າເປັນເອກະພາບໂດຍສັນຕິຈີນ, ທ່ານເວີ້ຍຊຽງ ເອກອັກຄະລັດຖະທູດຈີນປະຈຳປານາມາ,ພາກສ່ວນແລະອົງການຈັດຕັ້ງທີ່ກ່ຽວຂ້ອງຂອງແຜ່ນດິນໃຫຍ່ຈີນ, ເຂດຮົງກົງ,ມາກາວແລະໄຕ້ຫວັນຈີນ,ຜູ້ຮັບຜິດຊອບສະມາຄົມສົ່ງເສີມການທ້ອນໂຮມຈີນເຂົ້າເປັນເອກະພາບຂອງ 30 ກວ່າປະເທດໃນໂລກພ້ອມດ້ວຍຜູ້ຕາງໜ້າຊາວຈີນຕ່າງດ້າວຢູ່ປານາມາແລະອື່ນໆເກືອບ 800 ທ່ານໄດ້ເຂົ້າຮ່ວມ.
ໂອກາດປະກອບຄຳເຫັນໃນກອງປະຊຸມ, ທ່ານວ້ານກ່າງຊີ້ໃຫ້ເຫັນວ່າ: ກອງປະຊຸມຄັ້ງນີ້ເປັນກອງປະຊຸມຍິ່ງໃຫຍ່ທີ່ຊາວຈີນຕ່າງດ້າວທົ່ວໂລກຄັດຄ້ານການແບ່ງແຍກດິນແດນແລະສົ່ງເສີມການທ້ອນໂຮມປະເທດຊາດເຂົ້າເປັນເອກະພາບຄັ້ງທຳອິດຫຼັງກອງປະຊຸມໃຫຍ່ຄັ້ງທີ 19 ຂອງພັກກອມມູນິດຈີນ. ໃນບົດລາຍງານຂອງກອງປະຊຸມໃຫຍ່ພັກກອມມູນິດຈີນຄັ້ງທີ 19, ທ່ານເລຂາທິການໃຫຍ່ສີຈິ້ນຜິງໄດ້ກຳນົດເອົາການຍຶດຖື "ປະເທດດຽວ ສອງລະບອບ"ແລະຊຸກຍູ້ຄວາມເປັນເອກະພາບຂອງປະເທດຊາດເປັນໜຶ່ງໃນບັນດາຍຸດທະສາດພື້ນຖານແຫ່ງການຍຶດໝັ້ນແລະພັດທະນາສັງຄົມນິຍົມທີ່ມີສີສັນພິເສດຂອງຈີນໃນຍຸກໃໝ່. ທ່ານໃຫ້ກຳລັງໃຈແກ່ລູກຫຼານຊາດຈີນທັງພາຍໃນແລະຕ່າງປະເທດຈົ່ງພະຍາຍາມຕໍ່ໄປເພື່ອປະກອບສ່ວນໃໝ່ໃຫຍ່ຫຼວງກວ່າເກົ່າເຂົ້າໃນການບັນລຸເປົ້າໝາຍທ້ອນໂຮມປະເທດຊາດເຂົ້າເປັນເອກະພາບແລະຟື້ນຟູຄວາມຈະເລີນຮຸ່ງເຮືອງທີ່ຍິ່ງໃຫຍ່ຂອງປະຊາຊາດຈີນຄືນໃໝ່.
