ອາເມຣິກາເປີດເຜີຍວັນເວລາການພົບປະລະຫວ່າງຜູ້ນຳອາເມລິກາ-ສປປເກົາຫຼີ
ທຳນຽບຂາວອາເມຣິກາເປີດເຜີຍໃນວັນທີ 4 ມິຖຸນານີ້ວ່າ: ການພົບປະລະຫວ່າງຜູ້ນຳອາເມຣິກາ-ສປປເກົາຫຼີຄາດວ່າຈະຈັດຂຶ້ນຢູ່ສິງກະໂປໃນເວລາ 9 ໂມງຂອງວັນທີ 12 ມິຖຸນານີ້ ຕາມເວລາທ້ອງຖິ່ນ.
ທ່ານນາງຊາຣາ ແຊນເດີສ ໂຄສົກທຳນຽບຂາວອາເມຣິກາໄດ້ເປີດເຜີຍຂ່າວນີ້ໃນກອງປະຊຸມຖະແຫຼງຂ່າວໃນຕອນບ່າຍວັນທີ 4 ມິຖຸນານີ້ວ່າ: ການພົບປະລະຫວ່າງທ່ານໂດໂນ ທຣຳ ປະທານາທິບໍດີອາເມຣິກາແລະທ່ານກິມເຈິງອຸນ ຜູ້ນຳສູງສຸດຂອງ ສປປ ເກົາຫຼີຕາມກຳນົດຈະດຳເນີນຂຶ້ນໃນເວລາ 9 ໂມງຂອງວັນທີ 12 ມິຖຸນານີ້,ແຕ່ກໍຍັງມີຄວາມອາດເປັນໄປໄດ້ທີ່ຈະມີການປັບປ່ຽນ.
ຂະນະດຽວກັນ, ທ່ານນາງແຊນເດີສຍັງເປີດເຜີຍຕື່ມວ່າ: ປັດຈຸບັນ, ຄະນະຜູ້ແທນອາເມຣິກາກຳລັງປຶກສາຫາລືທາງການທູດກັບສປປ ເກົາຫຼີຢູ່ເຂດປອດທະຫານສປປ ເກົາຫຼີ-ສ ເກົາຫຼີ ແລະສອງຝ່າຍໄດ້ຫາລືຢ່າງຕັ້ງໜ້າໂດຍໄດ້ຮັບຄວາມຄືບໜ້າທີ່ມີຄວາມໝາຍ. ນອກນີ້, ຍັງມີອີກຄະນະໜຶ່ງຂອງອາເມຣິກາກຳລັງຮ່ວມກັບຝ່າຍສປປ ເກົາຫຼີໄດ້ກະກຽມພະລາທິການເພື່ອການພົບປະລະຫວ່າງຜູ້ນຳສອງປະເທດຢູ່ສິງກະໂປ,ປັດຈຸບັນ, ວຽກງານນີ້ກໍໄດ້ດຳເນີນໄປເຖິງໄລຍະສຸດທ້າຍແລ້ວ.
