ແຫຼ່ງຂ່າວຈາກບໍລິສັດການບິນສຽງເຜິງ ຫຼື ລາຄີຢຸນນານຈຳກັດໃຫ້ຮູ້ໃນວັນທີ 5 ມິຖຸນານີ້ວ່າ: ບໍລິສັດຕົນຈະເປີດບໍລິການເສັ້ນທາງການບິນນະຄອນຄຸນມິງ ສປ ຈີນ-ແຂວງຊຽງໃໝ່ປະເທດໄທ ນັບແຕ່ວັນທີ 1 ກໍລະກົດປີນີ້ເປັນຕົ້ນໄປ ເຊິ່ງເປັນເສັ້ນທາງການບິນສູ່ປະເທດໄທຈຸດທີ 5 ຫຼັງໄດ້ເປີດບໍລິການເສັ້ນທາງການບິນໄປສູ່ນະຄອນຫຼວງບາງກອກ, ເກາະສະໝຸຍ, ແຂວງພູເກັດ ແລະ ແຂວງກຣະບີ່.
ຂ່າວລາຍງານຕື່ມວ່າ: ໝາຍເລກຖ້ຽວບິນໄປກັບຄຸນມິງ-ຊຽງໃໝ່ຂອງບໍລິສັດສຽງເຜິງ ຄື 8L809/10, ຈະເປີດບໍລິການທຸກວັນຈັນ, ວັນພຸດ, ວັນສຸກ ແລະວັນອາທິດ, ຕາມຕາຕະລາງການບິນຈະອອກຈາກນະຄອນຄຸນມິງໃນເວລາ 12:25 ໂມງ ແລະຮອດຊຽງໃໝ່ໃນເວລາ 13:05 ໂມງ; ສ່ວນຂາກັບຈະອອກຈາກຊຽງໃໝ່ໃນເວລາ 14:05 ໂມງ ແລະ ຮອດຄຸນມິງໃນເວລາ 16:30 ໂມງ ແລະເວລາໄປກັບດັ່ງກ່າວເປັນເວລາທ້ອງຖິ່ນໝົດ.