ລັດຖະບານລາວຈະໃຊ້ມາດຕະການຊຸກຍູ້ເສດຖະກິດຂະຫຍາຍຕົວ
2018-06-08 10:01:43 cri
ໜັງສືພິມວຽງຈັນທາມສະບັບວັນທີ 7 ມິຖຸນານີ້ລາຍງານວ່າ: ທ່ານທອງລຸນ ສີສຸລິດ ນາຍົກລັດຖະມົນຕີລາວໄດ້ແຈ້ງໃຫ້ສະພາແຫ່ງຊາດວ່າລັດຖະບານຈະໃຊ້ມາດຕະການຕ່າງໆເພື່ອຊຸກຍູ້ເສດຖະກິດຂະຫຍາຍຕົວ. ລັດຖະບານຈະນຳໃຊ້ລະບົບເອເລັກໂຕຣນິກເພື່ອແກ້ໄຂຂໍ້ບຸກຜ່ອງດ້ານລາຍໄດ້, ຫຼຸດຂັ້ນຕອນໃຫ້ໜ້ອຍລົງເພື່ອເຮັດໃຫ້ການພິຈາລະນາອະນຸມັດການລົງທຶນແລະກິດຈະການຕ່າງໆໃຫ້ວ່ອງໄວຂຶ້ນ ທັງຍົກສູງປະສິດທິພາບໃນການປະຕິບັດງານຂອງກົນໄກບໍລິການປະຕູດຽວ. ນອກນີ້, ລັດຖະບານຍັງຈະໃຊ້ມາດຕະການຕ່າງໆເພື່ອຊຸກຍູ້ການຂະຫຍາຍຕົວຂອງເສດຖະກິດໃນປີນີ້ເປັນຕົ້ນແມ່ນ ຫຼຸດຕົ້ນທຶນການລົງທຶນໃຫ້ໜ້ອຍລົງ,ຄວບຄຸມອັດໄຕໄພເງິນເຟີ້, ປັບປຸງໂຄງປະກອບລາຄານ້ຳມັນແອັດຊັງ, ໃຫ້ບູລິມະສິດແກ່ການລະດົມທຶນຂອງວິສາຫະກິດຂະໜາດກາງແລະນ້ອຍ, ສ້າງຕັ້ງສູນຄົ້ນຄວ້າພັດທະນາການຄ້າ, ວາງແຜນແລະພັດທະນາເນື້ອທີ່ການຜະລິດກະສິກຳໃຫ້ສົມເຫດສົມຜົນ, ປະຕິບັດໂຄງການປີທ່ອງທ່ຽວລາວ 2018 ແລະອື່ນໆ.
