ທ່ານສີຈິ້ນຜິງກ່າວວ່າ ບັນດາຝ່າຍທີ່ຮ່ວມປະຊຸມເນັ້ນການສົ່ງເສີມການແລກປ່ຽນວັດທະນະທຳ ແລະເຊື່ອມສຳພັນທາງຈິດໃຈຂອງປະຊາຊົນ
2018-06-10 15:47:40 cri
ວັນທີ 10 ມິຖຸນານີ້, ທ່ານສີຈິ້ນຜິງ ປະທານປະເທດແຫ່ງ ສປ ຈີນຢືນຢັນວ່າ: ບັນດາຝ່າຍທີ່ເຂົ້າຮ່ວມກອງປະຊຸມສຸດຍອດອົງການຮ່ວມມືຊຽງໄຮຊິ່ງຕາວເປັນເອກະພາບກັນເນັ້ນວ່າ: ຍິນດີຢູ່ບົນພື້ນຖານເຄົາລົບຄວາມຫຼາກຫຼາຍດ້ານວັດທະນະທຳແລະຄ່ານິຍົມທາງສັງຄົມເຊິ່ງກັນແລະກັນ, ສືບຕໍ່ດຳເນີນການຮ່ວມມືຫຼາຍຝ່າຍແລະສອງຝ່າຍໃຫ້ໄດ້ຮັບປະສິດທິຜົນຢ່າງຫຼວງຫຼາຍໃນດ້ານວັດທະນະທຳ,ການສຶກສາ,ວິທະຍາສາດເຕັກໂນໂລຊີ,ການອະນຸລັກສິ່ງແວດລ້ອມ,ສາທາລະນະສຸກ,ການທ່ອງທ່ຽວ, ຊາວໜຸ່ມ,ສື່ມວນຊົນ,ກິລາແລະອື່ນໆເພື່ອສົ່ງເສີມ ການຖອດຖອນແລະຮ່ຳຮຽນເຊິ່ງກັນແລະກັນ ແລະ ເຮັດໃຫ້ປະຊາຊົນມີຄວາມເຂົ້າໃຈກັນ.
