ຮູບປັ້ນຜູ້​ຕີ​ກອງ​ຂັບ​ລຳ

中国国际广播电台

         ຮູບ​ປັ້ນຜູ້​ຕີ​ກອງ​ຂັບ​ລຳ​ແມ່ນຮູບ​ປັ້ນດ້ວຍ​ດິນ​ສີ​ຂີ້​ເທົ່າ,ສູງ 55 ຊັງ​ຕີ​ແມັດ,ປັ້ນ​ໃນ​ສະ​ໄໝ​ລາຊະວົງ​ຕົງ​ຮ້ານ,ຂຸດ​ອອກ​ຈາກ​ສຸສານ​ທຽນ​ຫຸຍ​ຊ່ານ​ຢາ​ຂອງ​ເມືອງ​ເສີງ​ຕູ​ແຂວງ​ເຊ​ສວນ,ປັດຈຸບັນ ​ຮັກສາ​ຢູ່​ໃນ​ຫໍພິພິ
ທະພັນ​ປະຫວັດສາດ​ຈີນ.

​ໃນ​ຮູບ​ປັ້ນດິນ​ເຜົາຫຼວງຫຼາຍທີ່​ຂຸດ​ອອກ​ຈາກ​ເຂດ​​ເຊ​ສວນ,ຮູບ​ປັ້ນທີ່​ມີ​ຊື່​ສຽງ​ກວ່າ​ໝູ່​ກໍ​​ແມ່ນ”ຮູບ​ປັ້ນຜູ້​ຕີ​ກອງ​ຂັບ​ລຳ​ນີ້. ຮູບ​ປັ້ນນີ້​ນັ່ງຢູ່​ພື້ນ,ຫົວ​ໃຫຍ່,​ໄດ້​ຄຽນ​ຜ້າ​ຄຽນ​ຫົວ,ໜ້າຜາກ​ເຕັມ​ໄປ​ດ້ວຍ​ຮອຍ​ຫຍູ່,​ເປືອຍ​ໂຕ​ເທິງ​ເປືອຍຕີນ,​ແຂນ​ຊ້າຍ​ອູ້ມ​ກອງ​ມົນ,ມື​ຂວາ​ຍົກ​ໄມ້​ຕີ​ກອງສູງ. ການສະ​ແດງ​ຂອງ​ຮູບ​ປັ້ນຜູ້ຂັບ​ລຳ​ນີ້​ເໝືອນ​ດັ່ງໄດ້​ເຂົ້າສູ່​ກະ​ແສ​ສູງ,​ເຂົາ​ດີ​ໃຈຫຼາຍ,ຈົນ​ໄດ້​ເຕັ້ນລຳ​ຢ່າງລືມ​ຕົນ​ລືມ​ຕົວ…ນີ້​ຈັ່ງແມ່ນ​ສະພາບ​ທີ່​ເຮັດ​ໃຫ້​ຄົນ​ຕື່ນ​ເຕັ້ນ​ໃຈ​ແທ້. ​ເຖິງ​ວ່າ​ຄົນ​ທັງຫຼາຍບໍ່​ຮູ້​ເນື້ອ​ໃນ​ລະອຽດ​ທີ່​ເຂົາ​ຂັບ,​ແຕ່​ເມື່ອ​ເຫັນ​ນັກ​ສິລະ​ປິນທີ່​ຈູບ​ຈ້າວ,​​ເບີກບານ,​ເຕັມ​ໄປ​ດ້ວຍ​ພະລັງ​ຊີວິດ​ແລະ​ຕະຫຼົກຜູ້​ນີ້,ລ້ວນ​ແຕ່​ຈະ​ຍິ້ມ​ແຍ້ມ​​ແບບ​ເຂົ້າ​ໃຈ​ເຂົາ,ຈົນກະທັ້ງສາມາດ​ຄິດ​ຮອດ​ວ່າ​​ຢູ່​ຕໍ່ໜ້າ​ຮູບ​ປັ້ນຜູ້ຂັບ​ລຳ​ນີ້,ມີ​ຜູ້​ຊົມ​ໝູ່ໜຶ່ງ​ພວມຕັ້ງໜ້າ​ຟັງ​ການສະ​ແດງ​ທີ່​ດີ​ເລີດຂອງ​ເຂົາ.